Fundacion Dominicana Arubanse Juan Pablo Duarte ta haci un yamada urgente na henter e comunidad Dominicano residencia na Aruba pa probecha e oportunidad di saca nan cedula nobo. E proceso aki, cu ta tuma luga na Consulado Dominicano na Aruba, ta completamente gratis.
Pa por cumpli cu e tramite aki, cada ciudadano mester saca un cita (online) preventivamente. E fundacion ta enfatisa cu e documento di identidad no tin ningun costo, locual ta haci esaki un bunita oportunidad pa tur compatriota duna nan documentacion un balor legal y actualisa.
Paso pa paso pa saca bo cita:
1.Drenta na e pagina oficial:Online.
Bishita e website oficial di e Junta Central Electoral (JCE) di Republica Dominicana pa inicia e proceso di solicitud.
2.Selecciona e opcion di cita:Registra bo datonan.
Busca e seccion destina pa servicios na exterior y scoge e Consulado Dominicano na Aruba como bo centro di atencion.
3.Scoge bo fecha y ora:Reserva bo cupo.
Selecciona e dia disponible cu mas ta combini bo pa asisti na e sede consular.
4.Asisti na e Consulado:Dia di bo cita.
Presenta na e Consulado di Republica Dominicana na Aruba riba e fecha selecta cu bo documentonan rekeri. Corda cu e cedula ta completamente gratis.
Nota importante: No laga esaki pa ultimo momento. Registra bo cita online mas pronto posibel via e portal di Junta Central Electoral pa bo por wordo atendi debidamente pa e personal consular.
