Edad ta sigi subi
Di bo y di mi
Cu cambio den curpa
Cu cambio den mente
Pa cada adulto mayor
Na manera diferente
Cu toch por wordo generalisa
Na un otro manera
Inspira
Pa keda den un balans
Fisico y mental
Cu mas fe tambe pa
E balans spiritual
Ta come menos
Ta drumi menos
Ta sali menos
Pero no pa tur
Tin cu ta bringa e viehes
Cu otro cosnan na cabes
Ta biaha hopi tanten e curpa y cartera sigi duna
Ta sigi cana y bayla
Ta sigi hasi ehercicio
Mientras e curpa por tuma
E movecionnan cu ta yuda
E mente cu sa duda
Forsa ta sigi purba
Miedo di un paro total
Miedo di lubida cosnan
Diario y normal
Ta conseha otro pa sigi cuida y sigi move
Sigi sali y participa
Te ora cu curpa of mente cuminsa tambalea y protesta
Tin cu ta sconde nan edad tenele secreto
Tin cu ta celebra den grandi, nan reto
Lady Ruth na caminda pa celebra number sesenta y nuebe otro luna
Ta super bendiciona pa tur locual ela hasi, sinya, logra y duna
Na su mes y pa su mes
Na su famia y amigonan
Na su comunidad y na su isla y su cultura
Nada no ta dura pa semper
Tur cos tin un comienso y un fin
Nos niun no sa kico ta bin
Nos tin fe den mayan y den un bon futuro bunita
Sin preocupa pa e edad
Mientras tin salud y felicidad
Lady Ruth su conseho :
Sigi gradici y sigi stima
Bisa bo famia y bo grandinan na bida
Hasi esaki tur dia
Y sinti nan amor den dushi alegria !
Dios ta duna y Dios ta tuma
Akibau nos no tey pa semper
Sea abo un bon y bunita regalo bek pa Dios
Un bon hende,
Un bon ser humano
Un bon tesoro iniguala
Na Bon Dios dedica !
Deseo di Artista Poeta
Ruthy Lady Ruth cu amor
