Di 11 pa 19 di mei, trupanan di Aruba y Corsou a participa den e ehercicio anual ‘Caribbean Strike’, cu e aña aki a tuma luga na Boneiro. Durante e entrenamento intensivo aki, e militarnan a practica hunto den un scenario realista na nivel di peloton.
E trupanan a entrena riba terenonan dificil y bou di temperaturanan halto. Eynan a ehecuta varios tarea militar, tanto durante dia como den marduga. Entre e tacticanan cu e trupanan a practica tabatin emboscada, patruya di reconocemento, atake y accionnan pa establece contacto cu un oponente.
E ehercicio a wordo dirigi pa e staf di un batayon combina, constitui pa trupanan di Aruba y di Corsou. Durante ‘Caribbean Strike’, e militarnan a sigui desaroya nan resistencia fisico y mental, nan perseverancia y nan habilidadnan tactico.
‘Caribbean Strike’ ta forma un parti fundamental di e desaroyo continuo di e trupanan di Caribe. Pa medio di e ehercicio aki, nan ta fortalece nan cooperacion, profesionalismo y preparacion pa operacionnan den futuro.
