Santiago 1 :5 ta bisa lo siguiente: Ma si cualkier di boso, falta sabiduria,lage pidi Dios, kende ta duna generosamente,y sin reproche,y esaki lo wordo duna na dje.
Esaki ta e sabiduria cu nos tur mester di dje, pero cu Dios ta cla pa duna esnan cu ta pidi, y cu no ta duda den locual cu nan ta bay ricibi.
Pasobra una bes un hende ta pidi Dios algo y e no ta kere y e ta duda cu e por ricibi algo asina, e mes ta serando su porta, pasobra esun cu ta pidi Dios, mester kere cu Dios por, pasobra pa Dios nada ta imposibel.
Un hende cu ricibi sabiduria di Dios, no ta cana competi y discuti ken ta mas sabi, pero den su humildad e ta keda keto, sabiendo cu locual cu e tin ta bin di ariba, for di trono di Dios, y semper e lo tin exito.
E sabiduria di Dios, ta locual nos hobennan mester awendia, pasobra pa tur cos nan ta pega riba internet, y nan no ta pensa ni kere cu e sabiduria cu Dios ta duna ta mas grandi cu internet, y no lubida cu ta Dios a duna hende sabiduria pa traha internet.
Esey ta nifica cu nada cu e sistema di mundu aki por ofrece no ta mas grandi cu e poder di Dios y e sabiduria di Dios.
No tin nada mas grandi cu e sabiduria di Dios, Dios a duna Salomon sabiduria y di berdad no tabatin ningun hende mas sabi cune, y awor den nos tempo nos ta ricibi sabiduria di e Spirito Santo di Dios, cual Cristo Hesus a bisa cu e lo sinja nos tur cos.
Pesey nos mester guia nos yuinan den caminda di Dios, pa asina nan ricibi sabiduria di Dios.
Un hoben yena cu sabiduria di Dios, no ta bay mescla su mes den problema, e no ta challenge ningun hende, pasobra e sabiduria cu Dios ta duna, ta mantene aleha for di mal caminda y aleha for hendenan cu mente frus.
Sabiduria di Dios, ta supera tur ofensa y tur bullying, un hoben cu sabiduria di Dios, ta guia otro hoben riba e bon caminda y ta comparti locual e a ricibi di Dios, y saca otronan for di peliger.
No sea ganja mi rumannan stima, Tur bon regalo, y tur don perfecto ta for di ariba, y ta baha bin di e Tata di lusnan . Serca ken no tin variacion ni sombra di cambio.
E mesun Dios di ayera ta e mesun Dios di awe , Dios no a cambia, Dios no a bira moderno, pasobra tur momento e sabiduria di Dios ta sobresali riba e sabiduria di hende.
Un di pruebanan di mas grandi di e sabiduria di Dios ta creacion di e ser humano,pasobra no tin nada na mundo cu por imita e structura di un ser humano.
Number Uno:Sabiduria lo libra bo for di e caminda di maldad for di hende cu ta papia cosnan perverso.
Number Dos; Pasobra sabiduria lo bin den bo curason, y conosemento lo ta agradabel na bo alma.
Number Tres: Pasobra Senjor ta duna sabiduria, for di Su boca ta sali , conocemento y comprondemento.
Number Cuater : E ta warda sabiduria pa esnan cu ta recto. E ta un escudo pa esnan cu ta cana den integridad.( Proverbionan 2:6-12).
Sabiduria di Dios ta puro, e ta limpi, e ta suave , e ta pasifico, e ta sin envidia,leu for di desorden y cosnan malo.
Ora nos duna Dios pome lugar , nos ta ricibi Su sabiduria.
Sinceramente, Pastor Marcel Balootje
