Hilton Aruba Caribbean Resort & Casino a celebra e gran apertura di The Westerly, introduciendo un era di hospitalidad eleva na e prestigioso resort situa na Palm Beach. E debut ta marca un evolucion significativo p’e propiedad, den e forma aki introduciendo un experiencia pa e huesped mas intimo combina cu diseño contemporaneo, servicio personalisa y espacio publico dinamico.
A conmemora e apertura aki c’un evento grandi hunto cu gerencia, liderazgo di Hilton, oficialnan gubernamental y tur partner clave di e proyecto.
E nomber, The Westerly, ta inspira p’e compas natural di Aruba, e biento cu ta move di oost pa west cual ta forma e caracter y beyesa natural di e isla. The Westerly ta introduci un nivel nobo di sofisticacion pa Aruba. Combinando e sentimento intimo di un hotel boutique cu amenidad expansivo di Hilton Aruba Caribbean Resort & Casino, The Westerly ta ofrece un experiencia refina y eleva pa huespednan mediante un balans perfecto entre privacidad, servicio personalisa cu tremendo experiencianan diseña tanto p’esnan cu ta riba vacacion of riba biahe di negoshi.
E apertura ta marca un compromiso continuo cu e evolucion di e resort y ta subraya e strategia di crecemento mas amplio di Hilton den Caribe y Latinoamerica, un region strategico pa e crecemento y desaroyo di e compania.
“Hilton tin un legado largo di crea estadianan excepcional den e destinacionnan mas busca na mundo, y e apertura di The Westerly na Hilton Aruba Caribbean Resort & Casino ta representa un adicion emocionante na nos portofolio,” asina Chris Nassetta, presidente y CEO di Hilton, a bisa.
“E debut aki ta refleha nos enfoke continuo riba entrega hospitalidad eleva y guia pa experiencia p’e biahero moderno, mientras cu nos ta sigui construyendo riba e momentum di crecemento den Caribe y Latinoamerica.”
“Como marca flagship di Hilton, Hilton Hotels & Resorts ta sigui evoluciona pa e biahero di awe, creando estadianan cu ta trece hende pa reunionnan iconico, celebracionnan y gran experiencianan pa comparti,” Leonard Gooz, lider global di marca pa Hilton Hotels & Resorts, a comenta. “The Westerly ta personifica e vision nobo aki, poniendo huespednan den e curason di cultura y energia vibrante di Aruba — entregando un estadia intimo estilo boutique, combina cu e amenidadnan y servicio firme di Hilton Aruba Caribbean Resort & Casino.”
“The Westerly ta refleha e futuro di hospitalidad — un diseño pensativo, comodidad eleva y un conexion mas profundo cu e lugar.
Loke ta realmente distingui e propiedad aki ta nos ekipo excepcional Arubiano, kende nan atencion na detaye y dedicacion ta duna bida n’e experiencia di tur huesped,” asina Milton Berlinski, managing partner di Reverence Capital y managing director di Aruba Growth Fund, a bisa. “The Westerly ta fortalece ainda mas e posicion di Aruba den e mercado di luho, atendiendo n’e biaheronan mas exigente mientras cu ta crea oportunidadnan significativo mediante trabou, crecemento economico y inversion local sostenibel.”
“Mediante The Westerly, nos ta orguyoso di a crea loke awe ta e Tower di Hospitalidad mas refina y distinctivo di Aruba y e unico experiencia di rooftop terrace riba e isla, Terrace on 10,” Rene Kan, managing director di Aruba Growth Fund, a bisa. “The Westerly y nos propiedad existente ta marca e prome resort na Aruba desaroya completamente cu financiamiento local, un logro cu ta refleha nos propiedad Arubiano y nos creencia a largo plazo den Aruba, su pueblo y su futuro.”
Introduciendo un era nobo den hospitalidad di isla
Situa ariba Palm Beach, The Westerly tin 161 camber y suite cu balconan extenso, incluyendo acomodacion dilanti di lama cu terasa expansivo y opcionnan selectivo di swim-up solamente pa adulto. Cada espacio ta diseña pa mustra e bista panoramico di e lama Caribense, mientras cu ta entrega un sentido di comodidad, sofisticacion y identidad local.
Diseña pa Jeffrey Beers International, den colaboracion cu SB Architects, e interiornan di The Westerly ta refleha un interpretacion contemporaneo di diseño mid-century, combinando materialnan natural, texturanan calido y detayenan inspira localmente. Cu area indoor-outdoor bunita diseña, excelente muebles, como tambe amenidadnan cu ta crea un sentimento residencial cual ta invita e huesped pa completamente relaha su mes.
Huespednan di The Westerly lo por disfruta di un experiencia eleva for di nan yegada, incluyendo un check-in priva y servicio di concierge dedica, hunto cu acceso prioritario na ofertanan premium di resort manera tratamentonan di eforea spa y experiencianan eleva na lama y pool. Amenidadnan den camber ta inclui opcionnan enfoca riba bienestar, manera e Best Rest Bar cu mascara pa drumi y pillow spray calmante, productonan inspira localmente, ofertanan personalisa, diseña pa refleha e spirito bibo di Aruba.
Pa mehora nan estadia mas, huespednan por agrega acceso na e joya principal di The Westerly, ‘Terrace on 10’, un adults-only rooftop lounge rib’e di dies piso, ta ofrece un experiencia rooftop solamente pa adulto berdaderamente unico cu bista panoramico di lama, un cushina inspira localmente y cocktails artesanal. E espacio dinamico ta cambia for di un area pa relaha durante dia— cu programacion di wellness manera Pilates y tayer di meditacion/breathwork — pa un energia vibrante den parti anochi cu entretenimento en vivo.
Ubica den e propiedad enorme di Hilton Aruba Caribbean Resort & Casino, The Westerly ta brinda huespednan acceso completo n’e opcionnan renombra di dining, wellness y entretenimento di e resort, mientras cu ta mantene un destincion di exclusividad.
Hilton Aruba Caribbean Resort & Casino tabata e prome resort di luho na Aruba y ainda ta un icono tanto den e destinacion como den e industria di hospitalidad. E resort ta ofrece 358 camber y suite amplio, ademas di e acomodacionnan na The Westerly. Recientemente e resort a inaugura un eforea spa nobo cu ta ofrece un escape relahante algun meter leu for di lama, cu tratamentonan unico y amenidadnan cu ta destaca manera un pool di cold plunge y un espacio trankilo pa bo por descansa.
Huespednan por disfruta di ocho opcion di dining, for di snack casual banda di playa te na bebida den lobby y dining beachfront n’e restaurant nobo Shore Club, ubica algun meter leu di Palm Beach, ofreciendo un menu eleva di cushina inspira internacionalmente cu tremendo cocktails.
Serca di lama, e amplio restaurant Shore Club ta diseña cuidadosamente cu algun toke cu ta duna e area un estilo ‘casual chic’. Ubica riba e restaurant, e rooftop exclusivo di Shore Club ta ofrece bista panoramico di lama di Palm Beach. Un opcion adicional tambe ta inclui Sunset Bar, aki ta unda e bebida original ‘Aruba Ariba’ a nace. Sunset Grille ta un steakhouse premium y un restaurant renombra di e resort.
Hilton Aruba Caribbean Resort & The Westerly tambe ta e unico hotel riba e isla cu ta ofrece tres experiencia rooftop diferente, incluyendo Terrace on 10 na The Westerly, e rooftop sunset di Shore Club y e iconico Palm Beach Club. Gruponan por probecha di mas cu 60,000 pia cuadra di espacio pa evento interior y exterior, incluyendo e Grand Morris Lapidus Ballroom di 8,100 pia cuadra — diseña pa sirbi como stage pa eventonan iconico y reunionnan pa cual Hilton Hotels & Resorts ta conoci. Huespednan tambe por purba nan suerte n’e casino estilo Las Vegas, cu un Live poker room.
Cu su debut oficial, The Westerly ta establece un benchmark nobo pa biahe premium na Aruba, invitando biaheronan pa experimenta un perspectiva fresco riba hospitalidad di isla.
Pa mas informacion of reservacion na The Westerly, bishita thewesterly.com. Pa mas informacion tocante Hilton Hotels & Resorts, bishita Stories from Hilton.
Tocante Hilton Hotels & Resorts
Pa mas cu un siglo, Hilton Hotels & Resorts a establece e benchmark pa hospitalidad rond mundo, conectando hende, cultura y comunidadnan. Ofreciendo diseño impresionante y espacio comunal vibrante — for di lobby yen di bida te na accesorionan dinamico, restaurant best-in-class y reunionnan iconico — Hilton Hotels & Resorts ta e lugar pa mira y wordo mira den e destinacionnan mas busca na mundo. Cu mas di 600 hotel riba seis continente, Hilton Hotels & Resorts ta unda mundo ta reuni, y biaheronan ta atendi magistralmente cu experiencia y cuido. Experimenta un estadia legendario na Hilton Hotels & Resorts door di reserva na hiltonhotels.com of via di e app di Hilton Honors. Miembronan di Hilton Honors cu ta reserva directamente door di canalnan preferi di Hilton tin acceso na beneficio instantaneo. Siña mas tocante Hilton Hotels & Resorts na stories.hilton.com/hhr, y sigui e marca riba Facebook, X y Instagram.
