Cu un preparacion inmenso tras di lomba Volleyball Coach Jackie Toussaint a sali pa Santo Domingo pa participa na e Curso Internacional di FIVB pa Trainer/Coach di Volleyball Nivel II.
Volleyball Coach/Trainer Jackie Toussaint ta tin Nivel 1 como Entrenador y su meta semper tabata pa logra su reconocimento como Entrenador Internacional Nivel II. Despues di entrenamento basta intensivo y oranan largo tanto pa e parti di teoria como e parti practico Trainer/Coach Jackie Toussaint a haya su diploma di FIVB Entrenador Nivel II.
Durante e siman intensivo cu programma nan di entrenamento Trainer/Coach Jackie Toussaint a pasa e programma di enseñansa teoria y practico y ta logra su titulo di FIVB Coach Nivel II. Pa Jackie Toussaint e logro aki lo engrandece su conocimento di e deporte di volleyball, lo eleva e tactica y technica di su trainingnan no solamente pa su teamnan di volleyball y pa e seleccionnan nacional pero pa e deporte di volleyball en general.
E ceremonia di clausura di e curso na Republica Dominicana a conta cu presencia di Instructor Internacional di FIVB Ruben Sainz di Cuba hunto cu Allen Ariza y Nelson Ramirez director di Centro Regional Desarollo de Voleibol di Santo Domingo..
Aruba Volleyball Association ta felicita Trainer/Coach Jackie Toussaint cu su titulo di FIVB Coach Nivel II.
