KLM Aruba Marathon 2026 tabata un exito rotundo, atrayendo un record di 3.000 participante registra y reforsando e posicion di Aruba como un di e destinacionnan internacional mas importante pa coremento den Caribe.
Coredonan for di 42 pais a biaha pa Aruba pa participa den e evento aki, acompaña pa miembronan di famia y fanaticonan, lo cual a genera mas di 2.000 bishitante internacional durante e weekend di e marathon.
Un di e aspectonan mas destaca di e evento tabata e stipulacion di un record nobo p’e ruta di marathon. Yhon Rodolfo Escamilla Quitian for di Colombia a gana e marathon di 42.2 km den un tempo impresionante di 2:35:25, ganando e premio di 2.500 dollar di Merca y logrando e tempo di marathon mas rapido registra te awo riba e ruta di Aruba.
E marathon pa hende muhe a wordo gana door di Emily Nelson for di Merca cu un tempo di 3:42:02.
Campeonnan di Aruba Marathon (42.2 km)
E coredornan di Aruba mas rapido den e categoria masculino y femenino, Jord Broers y Sandra Versteeg, a bincu un ticket di regreso di KLM Royal Dutch Airlines pa Amsterdam y un entrada garantisa p’e Amsterdam Marathon cu ta full bendi caba.
Evento internacional cu reconocemento mundial
KLM Aruba Marathon ta sigui gana reconocemento internacional como un careda oficial:
- Certifica pa AIMS
- Cualificatorio pa Boston Marathon
- Evento di Abbott World Marathon Majors Marathon Tours & Travel Age Group World Series
E evento ta ofrece distancianan pa coredornan di tur nivel, incluyendo e 5 km, 10 km, Half Marathon (21.1 km), y Full Marathon (42.2 km).
Saliendo y terminando n’e bunita Hilton Aruba Caribbean Resort & Casino, e participantenan a disfruta di un ruta unico banda di e costa di Aruba, combinando e competencia di nivel mundial cu e hospitalidad conoci di e isla.
Momentonan mas destaca di e weekend
Diasabra 6 di juni 2026
- 5:30 PM – Careda di 5 km
Diadomingo 7 di juni 2026
- 3:00 AM – Marathon (42.2 km)
- 5:15 AM – Half Marathon (21.1 km)
- 6:15 AM – 10 km
E ceremonianan di premio y e celebracionnan di e final banda di beach a tuma luga na Hilton Aruba Caribbean Resort durante henter e weekend. E resultadonan completo di e careda ta disponibel rib’e link oficial di Sporthive.
Sosten fuerte di comunidad
KLM Aruba Marathon ta bira realidad danki na e dedicacion di cientos di voluntario, profesional di medicina, organisacionnan comunitario, instancianan di gobierno, sponsor y partnernan.
Un danki special ta bay na KLM Royal Dutch Airlines, y na Aruba Tourism Authority (ATA).
E sponsornan pa cada distancia tabata:
- Cavalier Logistics – 5 km
- BDO Aruba – 10 km
- Hilton Aruba Caribbean Resort & Casino / The Westerly – Half Marathon
E organisacion ta gradici tambe e sosten di gran balor di KPA, VMU, DOW, IBiSA, Patrishi Sports, Budget Rent a Car, High Performance, ScafPro, Cruz Cora Aruba, IMSAN, y e ekipo medico encarga bou di direccion di Dr. Johnny Cheng hunto cu e enfermeronan specialisa Ilsa Verhoeven (ICU), Jo-Ann Hardjoprajitno (Ambulance), Dwight Lopez (CCU), y Nicole Ling Tsung (CCU).
E evento aki lo no tabata posibel sin e entusiasmo y compromiso di e comunidad di coredo di Aruba y organisacionnan di voluntario, incluyendo Believe in Yourself y 297 Eagles.
Despues di e edicion aki cu a bati tur record, e organisadonan tin e placer di anuncia cu e di 9 edicion di KLM Aruba Marathon lo tuma luga dia 5 pa 6 di juni 2027. E detayenan di registracion lo wordo anuncia den e lunanan cu ta bin.
Paisnan representa: Argentina, Aruba, Austria, Boneiro, Bolivia, Brazil, Canada, Chile, Colombia, Costa Rica, Corsou, Republica Checo, Danimarca, Republica Dominicana, Ecuador, Finlandia, Francia, Alemania, Grecia, Guyana, Hong Kong, Hungria, Kenya, Luxemburgo, Mexico, Hulanda, New Zealand, Noruega, Panama, Paraguay, Peru, Portugal, Puerto Rico, Saudi Arabia, Sint Maarten, Sur Africa, Surnam, Trinidad & Tobago, Merca, Uruguay, y Venezuela.
