Division Honor Liga Plata di futbol di Aruba ta yegando su culminacion. Federacion Arubano di Futbol (AVB) a lansa e anuncio oficial pa e gran partido final caminda S.V. Nacional y S.V. Caiquetio lo bataya pa e titulo maximo di campeon. E confrontacion crucial aki lo tuma lugar diabierna dia 12 di juni 2026 pa 8:30 di anochi den Centro Deportivo Guillermo Prospero Trinidad (C.D.G.T.).
E directiva di AVB a haci un yamada oficial na tur dos club miembro pa uza e material di promocion (Promo-Art work) riba nan respectivo medionan social, cu e meta pa stimula e fanaticada y promove e partido di mas importante di e temporada.
Pa loke ta e logistica den stadion, a duna instruccion cla riba e distribucion di e tribunanan pa e fanaticonan. S.V. Nacional, cu ta fungi como e equipo “Home-Team”, lo haci uzo di e tribuna parti pabao na banda drechi, situa banda di Monplaisir College. Di otro banda, S.V. Caiquetio, cu ta drenta e cancha como “Visitor-Team”, lo ocupa e tribuna parti pariba cu no tin dak.
Reglamento estricto pa determina e campeon
Mirando e importancia di e coinfrentacion aki, AVB a stipula e reglanan den caso cu e partido termina empata. Si no tin un ganador structural na final di e tempo reglamentario, lo hunga un tempo extra di dos mitar di 15 minuut cada un. Si e empate persisti despues di e tempo adicional aki, e definicion lo pasa pa tironan penal. Cada equipo lo ehecuta un tanda inicial di 5 penal; si ainda e coinfrentacion keda empata, lo sigui cu e tironan di forma sudden death te ora cu un resulta ganador .
Ademas, pa e partido aki ta permiti un maximo di 11 hungador suplente riba banki, y structuralmente conforme e reglamento di AVB, cada equipo por realisa un maximo di 7 substitucion durante e encuentro. AVB a clausura su comunicado deseando tur clase di exito na tur dos equipo den e gran final aki.
