Gobierno ta haci inversion pa mehora e poder di compra di nos pueblo

Gabinete AVP-Futuro ta tuma paso concreto pa brinda sosten na nos famianan, nos grandinan, trahadonan y gruponan vulnerabel. For di inicio di Gabinete AVP-Futuro, a tuma varios paso pa dirigi y fortalece e poder di compra di nos pueblo di e manera aki pa yuda compensa e costo di bida cu a subi.  Cambionan cu lo bin na vigor pa 2026, entrante 1 di augustus ta p’e personanan cu limitacion lo bin un aumento di uitkering di Afl. 1.080 pa Afl. 1.180 pa luna. Como tambe un aumento di reparatietoeslag pa nos hendenan cu salario minimo di Afl. 125 pa Afl. 225 pa luna, pues un beneficio anual te cu Afl. 2.700. Gobierno tambe ta absorba aumento di tarifa di combustibel pa luna di juli y augustus. 

Den un rueda di prensa diaranson merdia Prome Minister Mike Eman hunto cu colega Minister di Finansa mr. Geoffrey Wever acompaña pa otro ministernan di e gabinete a repasa diferente inversion haci durante Gabinete AVP-Futuro.

• Nos grandinan
  • Aumento di pensioen AOV
  • Soltero: + Afl. 500 pa luna
  • Casa: + Afl. 900 pa luna
• Reduccion di prima AZV pa nos pensionadonan
  • E porcentahe di prima di AZV rib’e prome Afl. 30.000 di entrada anual a baha di 5% pa 0%.
  • Asina nos pensionadonan ta keda cu mas entrada netto y nan poder di compra ta fortalece aun mas.
• Famianan vulnerabel
  • Aumento di bijstand basico
  • Di Afl. 450 pa Afl. 600 pa luna
  • Un aumento di mas cu 33%
• Aumento di schoolkindertoeslag

• Te Afl. 250 pa cada mucha
• Ademas, apoyo adicional pa:
  • Material escolar
  • Pago di schoolgeld

• Trahadornan
  • Mehora den rechtspositie di nos maestronan
    • Un mehora promedio di nan entrada entre Afl. 250 y Afl. 400 pa luna
  • Aumento di reparatietoeslag pa nos hendenan cu salario minimo
    • Di Afl. 125 pa Afl. 225 pa luna
    • Beneficio anual te cu Afl. 2.700
• Cuido medico y combustible
  • A restablece cobertura di AZV pa remedi
    • Diferente remedi importante awor ta cubri completo of mas amplio.
• Absorbe aumento den costo di combustibel
• Gobierno a absorba aumento den prijs di gasolin pa limita presion adicional riba nos famianan y e empresanan.
• Personanan cu limitacion
  • Aumento di uitkering pa persona cu limitacion
  • Di Afl. 1.080 pa Afl. 1.180 pa luna

Poder di compra prome

Cu e ahustenan aki, Gobierno ta inverti directamente den e cartera di pueblo. Nos grandinan, famianan cu muchanan, e trahadornan, nos pueblo cu salario minimo y personanan cu limitacion tur ta beneficia di e mehoranan concreto cu ta aumenta nan entrada y yuda baha e costo di bida.

Resultado

• Mas entrada pa nos grandinan y gruponan vulnerabel
• Mas sosten p’e famianan cu muchanan cu ta bay scol
• Miho condicion laboral pa nos maestronan
• Menos carga financiero pa nos pensionadonan
• Proteccion contra costo mas halto di cuido medico y combustibel
• Mas siguridad economico pa miles di hogar Arubiano

Prosperidad comparti! Crecemento economico mester bay man den man cu mas poder di compra pa nos pueblo. Mas siguridad. Mas oportunidad pa un y tur.