Ta investigando Crisisteam pa manipulacion y “valsheid in geschrifte”
Informacion cu SOLO DI PUEBLO a ricibi ta indica cu tin un investigacion tumando lugar rond di Crisisteam pa un asunto di falsificacion. Un team priva ta haciendo esaki basa riba informacionnan cu a keda treci den publicidad, cu no ta cuadra.
E informacion interno cu a lek ta bisa cu un of algun hende a consipra pa asina cambia reglanan di cierto protocolnan pa dje forma ey dune un otro contexto. E proposito no ta mucho cla ainda, pero tur esaki ta pa asina scapa cara di e mal maneho di DVG hunto cu Crisisteam, unda cueste loque cueste nan kier keda mustra limpi den cara di pueblo.
Loke a sosode ta hopi serio, cu por costa e autornan di falsificacion y esnan cu a aproba esaki nan trabao. Bueno, esey ta si tin integridad y responsabilidad.
Aparte di un investigacion riba Crisisteam riba falsificacion, tin mas indicacion di cosnan serio cu a sosode of ta sosodiendo, pero cu na su debido tempo nos lo bini riba nan.
Si e resultado di investigacion bin sali afo cu ta berdad, cu deliberadamente a cambia reglanan di protocol, lo bira masha intresante pa mira si esnan responsabel di comete e acto ilegal aki lo perdenan trabao of si man lo wordo poni riba nan cabes.
Mas intrestante ta bira, ta kendenan tur a conspira pa cambia contexto di protocol y pa sirbi interes di ken.
Asina siman nobo habri, lo por tin mas noticia.
