Segun un informante anonimo, tin un problema laboral anando na De Veer Theatres, e operadornan di The Cinemas, IMAX y Drive Inn. E informante a splica cu e compania ta forsando tur trahdor full time, pa bira part time, debi na e situacion financiero di covid. Tambe a informa e trahadornan cu sea nan ta accepta pa bira part-time, of nan lo wordo duna un pakete di retiro. A duna un siman pa nan dicidi y firma pa e cambio.
Mas cu claro cu esaki a lanta un ola di precupacion na e compania, unda varios empleadonan a cay den incertidumbre y nan no sa kico pa haci, debi na miedo, y hasta miedo pa busca conseho di expertonan, debi na represalia cu esaki lo por tin.
Esaki ta otro compania mas cu ta ahustando nan gastonan laboral den pandemia, cual lo bini cu tur consequencia pa e trahadornan.
E re organisacion laboral semper ta algo posibel, pero no manera cu varios compania kier hasie’le na forma unilateral, pone precion, den e caso aki di un siman di tempo. Cambio semper ta posibel, pero mester sinta na mesa cu empleadonan y purba na construi un caminda unda cu tur partido por bay di acuerdo.
E companianan di De Veer ta conoci como un di e poconan unda e trahadornan no tin representacion sindical.
