Hopi a tende di Keti Koti
Hopi no sa kico e ta
Hopi cu a pasa den
Hopi no kier corda ken
Hopi esclavo maltrata
Hopi a wordo libera
E dia hincha a pasa
E dolor ainda tey
E storia conta di nobo
E curason ainda ta yora
Sclama pa no ripiti
Ta algo no pidi
Descubri y sinti paz
E paz anhela den candela
Ora e anochinan dera
Libertad den cada cas
Cadena kibra cu rabia
Cadena cu a papia
Cadena awendia un hoya
Cadena a stop di zoya
Keto e zonido di Keti Koti
Bula bay cu nos Fofoti
Bula bay cu olanan di lama
Abo nos no ta anticipa
Keda bao nos sintimentonan trapa
Pinta di nobo nos alma
Liber nos tur mester ta !
Creacion igual di Dios
Cada un tin su bos
Cada un cu su color
No mas dolor !
Dushi biento caricia
Laga nos no lubida
Amor paz y libertad
Nos felicidad.
Ruthy Lady Ruth
1 juli 2026
