Den un rueda di prensa convoca a presenta y anuncia “Ring on Fire” cu lo tuma luga den Club Caiquetio dia 25 Juli, 2026. Un anochi cu a hinka un ‘K1 fighting card’ hopi interesante cu 16 pelea den total di cual Aruba ta aparece 14 biaha y un di nan ta 1 pelea femenino.
Aruba t’e anfirion pa ricibi e atleta nan di Merca, Mexico, Colombia, Bonaire y Corsow, loke ta haci e fecha di 25 Juli hopi interesante ta cu Kendrich Aguero lo ta defendiendo su Caribbean Title.
WKA-Aruba tambe a señala cu’e federacion lo aplica tur regla den ring bao observacion di e official nan local e internacional certifica pa guia e pelea nan aki den e miho forma posibel.
Den e combatenan programa tin dos di nan ta “Extreme Fights” cu ta plea nan sin glove y protector, pero bao y cu regla di WKA Internacional.
Aruba ta bon representa den e “Fighting Card” di cual 4 skol ta manda su miho exponente nan den ring, aki mester menciona cu nan tur hunto nos pais ta fuertemente prepara pa esnan cu ta bin di afo.
Despues di e compromiso aki ta prepara un seleccion local p’asina reperesenta Aruba na Delaware, Merca pa participa mey-mey di mas di 60 pais.
P’e fecha di 25 Juli ta honra nos cu su bishita y conocemento e Vice-Presiente di WKA-USA cu ta probecha pa ‘update’ tur official / Referee c’un workshop y ademas e lo ta parti di e staff di di “Ring on Fire”.
Mester gradici tur esnan cu ta kere den e deporte cu nan patrocineo y specialmente e hoben nan cu ta practica e deporte aki di arte marcial. Asina ta cu diasabra 25 di Juli den Caiquetio ta spera un yeno total apoyano nos atleta nan local den e diciplina di “K1 Fights”. Entrada ta disponibel pa 35 Florin general, ringside 75 Florin, VIP 100 Florin na Manuelito’s, Citgo Essoville, Blvd y Sta Cruz pa reservacion di mesa por tuma contacto cu 593.21.00. [Foto: Memories Photografy]
