Den Renaissance Convention Center a tuma luga Filomena College MAVO su entrega di diploma 2026. Un total di 60 alumno a ricibi y firma e diploma cu duro nan a traha p’e. Dj tabata Eli y e mc, mr. Addonsito Croes. Un momento unico tabata ora cu e award “Juf Baly 2026” a ser otorga na e miho graduado di examen 2026. Esaki a ser duna pa viudo di juffrouw Anuesca Baly dfm. esta Rob van den Brink. Tambe riba escenario tawata t’ey Christopher Lake di ASTEC NV y directora interino di SKOA, Jessica Irausquin. Tabata Channery Dania e studiante cu a ricibi e award. E lo ta un award anual.
E anochi aki directora Raquel Lampe a ricibi un bunita homenahe como cu lo ta su ultimo ceremonia di graduacion como director di Filomena MAVO. Directora adhunto Joraine Oduber a haci entrega di un certificado di excelencia na Raquel Lampe. Den su speech el a gradici un y tur pa tanto cariño y confiansa den Filomena College MAVO y e team. Presente tabata tambe ex-director sr. Ebby Goedgedrag.
Pabien cada studiante, mayor y maestro. Resultadonan asina ta prueba di cu mayoria di hoben di Aruba ta rib’e bon caminda! Exito cu e etapa nobo.
