Riba dia 10 di juli 2026, Centro di Bario Noord (CBN) ta organisando su segundo edicion special di su gimnastiek pa celebro, yama Seso Sport.
E actividad ta start for di 7.00 pm, cu registracion y 7:30 pm e Seso Sport mes lo ranca sali. CBN ta spera cu cuidadanonan, bisiñanan, amigonan y barionan por uni y forma ekipo di 5 persona y pasa un anochi ameno mientras ta prueba nan capasidad mental durante e anochi di preguntanan y puzzelnan desafiante y divertido.
Den cuadro di su mision pa promove desaroyo mental, social y fisico di poblacion di Noord, CBN ta ofrece e actividad aki como un manera accesibel pa mantene celebro activo. E sessionnan ta consisti di un mescla di preguntanan di conocementu general, puzzelnan logico y weganan di memoria, den un ambiente agradabel y competitivo. Participantenan lo ser desafia pa traha hunto y ta test nan conocemento riba varios area.
“Cu Seso Sport, nos kier crea un luga unda hende no solamente por entrena nan celebro, sino tambe ta pasa un momento agradabel hunto. Sea bo ta un pensado, un experto, bo ta un hoben, of simplemente bo kier pasa un nochi ameno y refresca bo memoria, tur tur hende ta bon bini. E ta un forma ideal pa keda vital y ta envolvi den bo comunidad,” Aveline Figaroa, miembro di directiva CBN ta comparti.
E actividad ta destina pa hoben, adulto y mayornan di bario y bisindario, pero ta habri pa tur hende cu kier prueba su capasidad di pensa. Participacion ta costa Afl. 35 pa ekipo di 5 persona. E encuentro lo tuma luga na:
�� Luga: Centro di Bario Noord
�� Fecha: 10 di juli 2026
�� Orario: Registracion: 7PM.
SESO sport: 7:30pm
Cupo ta limita, asina registra bo grupo mas pronto posibel! Interesadonan y gruponan cu particupa aña pasa, tur ta ser anima pa registra. Nos ta bay tin doorprizes y premio pa gruponan, por ehempel grupo ganado, grupo miho anima y grupo miho uniforma.
Por registra bo grupo pa medio di e link akibou:
https://forms.gle/GEYjwjq4qHCifZUm9
Por tambe contact nos lider di programa Sra. Ligia Croes Roza na 5682935, si tin pregunta.
Tocante di Centro di Bario Noord
Centro di Bario Noord ta mas ku 55 aña e curason batiendo di bario. E fundacion ta dedica na promove desaroyo mental, social y fysico di poblacion di Noord a traves di varios programa y actividad cultural, social, educativo y deportivo. Cu e actividad Seso Sport, cual den 2025
tawata un exito, CBN ta agrega un actividad mas structural na su programa, cual ta accesibel y educativo pa e grupo metanan.
—Noord Creciendo Hunto
