Dialuna merdia Wardacosta a risibi un melding pa un evacuacion medico riba un barco crucero. Tabata trata di un hende muhe di 40 aña di edat abordo cual e agente di e crucero a informa Wardacosta cu lo mester di un helicopter urgente pa transporta e persona pa un hospital pa e por risibi cuido medico. E Centro Operacional Maritimo di Wardacosta despues di e melding a dirigi e helicopter na e crucero, cual tabata nabega den awanan di responsabilidat di Wardacosta pa nort di Aruba. E helicopter a bai e crucero pa buska e hende muhe y hib’e aeropuerto na Aruba caminda un ambulans tabata para cla pa transport’e pa hospital.
