Arubaanse Voetbal Bond (AVB) a anuncia oficialmente e partido final di Division Honor Liga-ORO, caminda S.V. Britannia y S.V. Sporting lo disputa e titulo maximo pa dicidi cua ta e ekipo cu lo corona como campeon di e futbol di mas halto na Aruba.
E detayenan di e gran final aki ta:
- Dia: Diabierna
- Fecha: 17 di juli 2026
- Ora: 8:00 PM
- Wega: Final – Britannia vs Sporting
- Tereno: Centro Deportivo Guillermo Prospero Trinidad (C.D.G.T.) na Dakota
Pa e partido importante aki, AVB a stipula e siguiente directiva y regla organizacional pa ambos club:
Uzo di tribuna pa e fanaticada:
- S.V. Britannia (Home-Team): Lo uza e tribuna parti pabou banda rechts (banda di Monplaisir College), y tres seccion di e tribuna sin dak parti pariba.
- S.V. Sporting (Away-Team): Lo uza e tribuna parti pariba (entrada banda di Entertainment Center).
Reglanan di wega y canchinan:
- Baljongens: Ambos ekipo mester percura pa presenta cu 4 hoben pa fungi como baljongens. E Match Coordinator di AVB lo duna nan e hesjes correspondientes.
- Substitucion: Pa e wega final aki ta permiti un maximo di 11 hungador suplente riba banki, y conforme e reglamento di AVB, cada ekipo por haci un maximo di 7 cambio durante e partido.
- Empate: Si na final di e tempo reglamentario e score keda empata, lo hunga un tempo extra di 2 x 15 minuut. Si e empate persisti despues di esaki, lo defini e campeon pa medio di tironan di penal (5 pa cada ekipo). Si ainda no tin un ganador despues di e prome tanda, lo sigui tira penal uno pa uno te ora cu un keda corona como campeon.
