Parlamentario Endy Croes: Asina e ley di Gamingboard pasa
Lotto lo haña un competencia husto unda e placa aki si lo yega su destino real
Parlamentario Endy Croes ta splica cu den tapara tin un ley nobo cu lo mester wordo trata pronto. E ley aki Landsverordening Toezicht Kansspelen ( Kansspelenautoriteit) ta un ley cu a inicia desde 2009, despues a wordo modifica pa AVP na 2015 pero nunca a wordo trata of a keda aproba. Alrespecto FATF di merca hopi presion ta wordo poni pa Aruba tin un ley asina inplace. Unaves cu e ley aki wordo aproba den mundo di gambling esta Casino, Lotto, weganan di number, Bingo y tur cu tin di haber cu gambling ( gaming) lo bay resorta bou di un instituto “Aruba Gaming Control Board”. E instancia aki ta bira esun oficial pa ley cu ta bay duna permiso cu nan condicionnan mara na dije na Casinonan, Loterianan etc etc. Den e proceso aki tambe Minister di Deporte a trese un cambio unda lo permiti den futuro pa Aruba por tin 2 compania di Lotto. Manera e ley existente ta awor Aruba por tin un solo Loteria cu ta bende Lotto. Pa locual ta catochi y otro weganan no tin un ley y tur companaianan a draai riba asina jama un gedogenwet.
/// CBN y FLPD a abusa di Aruba ultimo 10 aña nan:
Parlamentario Endy Croes a splica cu CBN y FLPD a abusa di confiansa di cumpradornan y sostenedornan di Lotto ultimo 10 aña nan. Desde 2001 te 2011 FLPD tabata maneha Lotto pa Deporte y ta paga CBN (Canada) un management Fee di 8.5% riba bentanan di Lotto y Mini Mega ( net revenue – advertising) y tambe 8% riba weganan di Catochi, Zodiac, Lotto di Dia pa nombra algun. Desde cu AVP a drenta Lotto 23 di november 2009 promer cos cu nan a hasi nan a malgasta 5 miyon di deporte pa persigui un cantidad di hende unda finalmente nan a perde tur nan casonan. Na 2010 (AVP) a presta 7.5 miyon na AIB pa “operations”. Algo nunca bisto. Na 2011 Lotto a hasi un reifinanciamento di 20 miyon na CMB bank na Aruba unda CBN Canada a para garantia y aki ( AVP) a cambia ful e structura y a lanta Canadian Banknote Aruba. Tristo pa mira con AVP a bende Lotto cu Canada unda tur e benta bruto ta wordo maneha pa Canada y Aruba ta bin na remarke pa 11% so di ful e bolo pues aki tur cos a cambia y a bolter. Enbes Deporte di Aruba haña e placa, Canada ta strica promer y Aruba ta haña cachi cachi. Esakinan ta algun rason pakiko MESTER bin competencia awor. World Lottery Association hustamente ta splica cu e cumprador ora e aporta cumprando su Lotto y dado caso e no gana e premio e ta keda contento di mira cu su aporte ta bay bek den comunidad sea e deportista of infrastructura pa Deporte. Desde Canada a “secuestra” Lotto Pa Deporte cu cooperacion di AVP y e Bestuur cu Mike de Meza y Visser a pone desde november 2009 y ainda tey, tur esakinan a bira posibel unda Bo placa awor ta bay Canada. Cu e cambio di ley lo bin un Lotto extra y bon regla manera antes e tabata ta unda e placa realmente por yega su destinacion mereci. Alaves esaki lo trese competencia husto unda deporte lo beneficia na final. Mas den siman nos lo bay mas amplio riba esaki.
