Ora nos ta pidi algo na Dios, nos mester pidi cu fe, sin duda ni un momento, nos mester kere cu Dios ta capas pa duna nos abundantemente, y mas cu suficiente, pasobra pa Dios, nada ta imposibel, Dios ta donjo di tur cos. Y ora nos pidi den Su boluntad nos lo ricibi di Dios.
Cristo Hesus a bisa den Juan 14:13-14: Y tur loke boso pidi den Mi nomber, esey lo Mi haci, pa e Tata wordo glorifica den e Yiu.Si boso pidi algo den Mi nomber lo mi hacie.
Y tur loke boso pidi den oracion cu fe, boso lo ricibi.( Mateo 21:22).
Ora Elias a haci oracion pa awacero bolbe cay e tabata sincero cu su Oracion.
Ora rey Ezekias a haci oracion pa Dios salba su pais e tabata franco cu Dios.
Ora Daniel a haci oracion den cueba di Leon e tabata sincero cu Dios.
Ora Hesus a lanta Lazaro e a papia sincero cu Dios , pa tur hende kere cu Dios a mande.
Ora Pablo y Silas tabata cadena y sera den prison na a haci oracion sincero y canta alabansa y e lugar a tembla.
Tur oracion cu nos ta haci mester sali for di nos curason, y mester ta sincero cu Dios, pasobra ta esey Dios wak e condicion di nos curason, y nos fe, pasobra haci oracion y nos ta duda no ta hiba nos ningun caminda.
Ta tempo pa tur hende realisa cu ta nos mester kere, pasobra Dios por tur cos.
Ora nos ta haci oracion, nos mester ta franco cu Dios, y no sconde nada, pasobra Dios sa tur cos.
Pesey e palabra di Dios ta bisa den Filipensenan 4:6-7 : No preocupa pa nada, ma den tur cos,pa medio di oracion y suplica cu gradicimento laga boso peticion ta conoci dilanti di Dios.y e pas di Dios cu ta surpasa tur comprondemento, lo warda boso curason y mente den Cristo Hesus.
Dios su promesa ta si y amen, tur palabra di Dios ta garantia pa nos seguridad, Dios ta haci tur cos completo. Dios no ta laga nada na mitar, caminda cu hende kere cu tur cos a caba, eynan Dios ta cuminsa, E ta Dios riba tur carni, y E ta Dios den tur circumstancia.
Den caso dificil, nos lo reconoce su grandesa, no ta importa e sitiacion cu bo por hanja bo aden, djis sigi confia Dios, djis sigi haci oracion. Djis sigi kere, pasobra Dios no ta lubida.
E ta Dios pa grandi y chiki, E ta Dios pa rico y pober, Dios no tin acepcion di persona, tur cu pidi cu fe lo hanja, pasobra Dios su misericordia ta alcansa tur caminda.
Pesey laga nos aserca e trono di gracia cu confiansa,pa nos ricbi misericordia y hanja gracia den tempo di necesidad.( Hebreonan 4:16).
Nos fe y nos frankesa ta demostra e confiansa cu nos tin den Dios, pasobra ora nos pone tur cos den Su man , nos por drumi trankil, pasobra Dios tin control riba tur cos.
Y esaki ta e confiansa cu nos tin Su dilanti,cu si nos pidi cualkier cos, conforme Su boluntad,E ta tende nos. Y si nos sa cu E ta tende nos den tur loke nos pidi,nos sa cu nos tin e peticion cu nos a pidi serca dj’E.( 1 Juan 5:14).
Ta Cristo Hesus mes a bisa nos, Pidi y lo wordo duna na boso, Busca y boso lo hanja,Bati y lo wordo habri pa boso.
Awe mas cu nunca nos mester kere den e poder di Dios.
Sinceramente, Pastor Marcel Balootje
