Un sra adulto mayor, grandi di edad
Ta hanya ataka di curason y ta bay hospital pa hanya un yudanza
Ta nenga di trate y ta mande bek cas pa muri
Oh, ki dia e dokternan hulandes aki na Aruba ta realiza cu esaki no ta Hulanda y cu nos cultura ta manda pa yuda unda cu por cu kico cu por
Sigi demostra respet y amor pa e ser humano sin importa su edad
Nan ta sigi hunga Dios riba nos isla y ta sigi dicta , oh ki dolor pa famianan cu no por confia mas den hospital
Ki bal , mientrastanto cu nan ta goza di nos solo y laman, nan ta sigi pronkia cu salario halto, titulo di dokter y e jas blanco,
Dios altisimo tene piedad di e ladronnan aki cu kier kita rosea y bida di hendenan cu abo a crea
Nan no tin amor y dedicacion den nan profesion ni den nan promesa di salba bida y yuda cu kico cu por
No por no por no por !
E karma cu lo bin pa nan un dia ta zona alivio den orea di famia
Nan ta keda ripiti nan foutnan inhumano tur dia
Y kier sconde bau hala di AZV ,laba man
Kico gobierno ta hasi pa prohimo ruman ?
Ah siiìi ! Saca potret di tur otro tema y topico
Papia di limpieza y naturalesa, di eleccionnan di beyesa
Lubida di resa pa nan propio paz, lubida di gradici Dios pa nan pida pan, lubida cu un dia podise nan tambe yega e edad halto di adulto mayor, sin nunca a sinti e berdadero amor.
Nan no ta sinti pa nan.
Morto ta bin pa tur un dia.
No pusha nos grandinan den dje. Nan lo top’e na nan mesun ora di bay sosega y sigi briya
Nan alma precioso cu dokternan ta neglisha.
Nan bida talentoso cu dokternan a termina.
Dokternan di ganya ganya, laga boso mesun mente y curason wordo examina. Tin tumor maligno eyden. Pidi pordon y libra boso di malo. Boso curason ta di piedra y di palo.???
Ruthy Lady Ruth
Juli 2026
