Na ki momento un hende ta biba den derota?.
Ora hende ta halsa cosnan di mundo, materialismo, placa etc mas cu Dios.
Ora un hende ta biba cu mal pensamento.
Ora un hende no kier pordona.
Ora un hende kier tuma vengansa.
Ora un hende rechasa e plan di salbacion cu Dios ta ofrece pa medio di Cristo Hesus.
Ora un hende ta biba den adulterio.
Cada persona of hoben cu ta cana cu arma ta den derota.
Ora un hende ta den redo constantemente.
Ora un hende ta kibra matrimonio di otro.
Ora un yiu ta biba den rebeldia cu su mayornan.
Ora mayornan ta abusa, y no ta cria, tampoco educa e yuinan.
Ora un hende ta usa droga, bira adicto.
Ora hende ta biba den tur clase di inmoralidad.
Ora un hende tur momento ta burachi.
Ora un hende no ta acepta e identidad duna pa Dios, y kier haci cambio den su naturalesa.
Ora un hende ninga e berdad di Dios, y ta mara su mes den idolatria, bruheria,y santeria.
Ora un tata ta ninga di reconoce su propio yiu.
Ora mayornan den divorcio ta usa nan propio yiu pa venga otro.
Ora un persona ta floho y no kier traha.
Ora un hende no tin un bida ferviente den oracion.
Ora un persona ta envidioso y no kier mira su prohimo crece.
Ora un persona ta iresponsabel den su asuntonan cu e mester cumpli cune.
Ora un muher pensa cu e tin di manda riba un homber, faltando respet pa e mandato di Dios.
Ora un homber ta kere cu maltrata un muher ta algo pa broma cune.
Ora hende ta kere den mentira y no den e berdad di Dios.( Romanonan 1:28-32).
Ora hende ta kere den nan propio forsa y no kier depende riba Dios. ( Juan 15:5-6).
Ora hende lubida kico Cristo Hesus a haci pe riba calvario.
Ora hende no tin respet, tampoco temor di Dios.
Ora Galationan 5:19-21 cual ta e obranan di carni ta visibel den bida di hende.
Ora hende no kier laga Filipensenan 4:8-9 bira realidad den nan bida.
Y awor nos tur por biba un bida victorioso den Cristo Hesus. Pasobra Dios ta stima tur hende igual.
Acepta e plan di salbacion ofrece pa Dios den Cristo Hesus cual ta para scirbi den Juan 3:16 -18, y Romanonan 10: 9-10.
Sigi perservera te na final, pasobra ta para scirbi : Ma esun cu perservera te na fin, esey lo ta salba.( Mateo 24:13).
Pesey awor no tin condenacion pa esnan cu ta den Cristo Hesus ( Romanonan 8:1).
Kico nos lo bisa di e cosnan aki, si Dios ta cu nos ken contra nos. ( Romanonan 8:31).
Pasobra tur loke ta naci di Dios a vence mundo,y esaki ta e victoria cu a vence mundo nos fe.Y ta ken ta esun cu a vence mundo, si no ta esun cu a kere cu Hesus ta e yiu di Dios. ( 1 Juan 5:4-5).
Fihando nos bista riba Hesus e autor y cumplido di nos fe,(Hebreonan 12:2).
Cada biaha cu un persona kier biba den maldad, malicia y scuridad, esey ta un bida den derota, no ta importa cuanto placa e por tin . No ta importa con bon studia e por ta, asina cu diabel ta domina su curason e persona ey ta den derota.
Pesey nos por mira hende hopi rico, pero nan ta pober pasobra nan ta biba den derota, nan no tin pas cu Dios.
A yega e momeno pa bandona e bida di derota awor.
Sinceramente, Pastor Marcel Balootje
