Den cuadro di nan siman di summer camp, diabierna mainta un grupo di mucha y hoben di Parlamento Hubenil a participa den un actividad special pa yuda tene Aruba limpi. E actividad tabatin un speurtocht pa colecta sushi. E recorido a cuminsa na EDU Campus na Caya Grandi y a pasa den diferente area di Oranjestad, entre otro Rancho, Companashi y Socotoro. Mas o menos 40 mucha a participa activamente den e recorido. Hunto nan a logra yena mas cu 35 saco cu sushi colecta for di e cayanan di nos centro di ciudad. Na final di e actividad nos a papia cu e hobennan Christian Vrolijk y Antonella Garcia. Nan a enfatisa cu Aruba ta pertenece na nos tur y cu cada habitante tin un responsabilidad pa tene nos isla limpi.
āAruba ta di ami, di abo y di nos tur. Pāesey nos mester tene Aruba limpi,ā Christian Vrolijk cu ta un di e hobennan cu a haci nos cayanan limpi a expresa. Antonella Garcia tambe tabata un di e hobennan cu a pone man na obra diabierma mainta e la invita comunidad pa participa dia 25 di juli pa Dia Nacional di Cuida Aruba. āNos mester di boso,ā tabata nan mensahe na poblacion.
Cu e actividad aki, muchanan di Parlamento Hubenil no solamente a contribui na limpiesa di nos isla, sino tambe a duna un bon ehempel di responsabilidad, cooperacion y amor pa Aruba.
Dia Nacional pa Cuida Aruba
Dia Nacional pa Cuida Aruba ta un iniciativa di Gobierno di Aruba cu ta busca fortalece responsabilidad comparti den cuido di nos isla. Bou di e lema āPāami. Pāabo. Pa nos tur.ā, e campaƱa ta invita ciudadano, empresa, scol, club, fundacion y organisacion pa uni forsa durante un gran accion nacional di limpiesa riba diasabra 25 di juli. Ademas di limpia diferente area rond Aruba, e iniciativa tin como meta crea mas conscientisacion cu cuido di nos entorno ta responsabilidad di nos tur. Un Aruba limpi y bon cuida ta cuminsa cu compromiso y accion di cada ciudadano. Pa mas informacion subi www.arubatanostur.com
