Tur hende mester sa cu satanas ( lucifer) ta e hefe, diabel ta su trahado, y hende por wordo esclavisa si nan no tin Cristo Hesus como Senjor y Salbador den nan bida, y nan mester sigi perservera den oracion te ora Cristo Hesus bin busca su pueblo.
For di principio nos tur sa cu satanas ta gusta cuestiona e palabra di Dios ( Genesis 3:1).
E kier mustra maldad den un forma actractivo, pa hende keda den scuridad.( 2 Corintionan 11:14-15)
E ta troce palabra di Dios ( Lucas 4: 9-13).
E ta acusa e rumannan. ( Revelacion 12;10).
E ta sembra division. ( Efesionan 4:26-27).
E ta tata di mentira, tur momento cu mentira wordo papia e diabel ta den e asunto.( Juan 8:44).
Y mentira semper a perhudica hende den nan matrimonio, famia, cas, trabao, y asina pone hende perde integridad.
Esnan cu no ta kere den Cristo Hesus e ta mantene nan ciego , pa nan no mira e luz di e evangelio di Cristo.( 2 Corintionan 4:4).
Pero awendia mas serca e binida di Cristo ta, e a cambia triki, pero ta mesun diabel.
Hende a bira mucho ocupa pa sirbi Dios:
Varios trabao, tur ora druk, tur ora cansa, tur ora ta sali un cos di haci,
Placa ta tuma lugar di Dios,ora di sali tin tempo, pero ora di bay iglesia no tin tempo,
Ora bo puntra un hende si e ta bay iglesia e ta bisa bo e ta wak si e ta alcansa.
Den un palabra sirbi Senjor a bira manera un carga, wak bon con e bida di oracion ta debilita y hende ta fria.
Hesus a bisa hopi cla den Lucas 21:36: Ma sea alerta tur ora bay, haciendo oracion pa boso por tin forsa , pa scapa di tur e cosnan aki, cu ta bay tuma lugar, y pa para dilanti di e Yiu di hende.
Awendia tin un articulo cu a bira un idolo den bida di hende cual ta e telefon,
Hende por keda sin come basta nan tin un telefon,
Hende ta horta telefon,
Hende ta bringa pa telefon,
Y hasta tin caso caminda hende ta mata pa telefon.
Telefon ta bon riba su mes como medio di comunicacion mas popular, pero e mal uso di dje.
Ni den iglesia no tin respet di telefon.
Telefon ta yena cu pornografia y malicia.
Hende ta bay na malo cu otro pa motibo di telefon,
Hende ta bende nan curpa pa un telefon.
Y por ultimo telefon a distrai hopi hende for di e caminda di Dios.Ora bijbel a wordo hinca den e sistema di telefon esey tabata e disfras di diabel, pa asina hende kere cu nan por sirbi mundo y Dios na mesun tempo.
Pasobra awor hende no ta cana cu Bijbel mas, for di cual nan por habri y evangelisa, pa laga bo telefon den man di un hende stranjo ta mas dificil cu laga nan tene un bijbel y lesa e palabra di Dios.
Pero tene bon cuenta cu Satanas lo no gana, ni maske cuanto triki e tin.
Esun cu ta practica pica ta di diabel, pasobra diabel a haci pica for di principio. E Yiu di Dios a parece pa e proposito aki , pa destrui e obranan di diabel.( 1 Juan 3:8).
Y diabel kende a ganja nan , a wordo tira den e lago di candela y swavel.caminda e bestia ye falso profeta,tambe ta, y nan lo wordo tormenta di dia, y anochi pa semper y semper,( Revelacion 20:10).
Laga nos no ignora e trikinan di diabel.
Sinceramente, Pastor Marcel Balootje
