Nada di mas no ta bon
Esey hopi di nos a ripara
Fey basta tempo, dicon ?
Ta broma cu e economia di nos pais
Sin tene cuenta cu su contenido y su rais
Nos tur golos pa mas
Turista a bira nos baas
Un ciego por a mira den e desorden di brommer y auto, den infrastructura hincha y derama
Riba nos pida baranca stima pero no respeta ?
Trabaunan excelente den ATA cu tawata bon di mas, lubida nos mesun cas, cu a cuminsa hoga
Di mas auto, di mas hotel
Di mas tecnologia,
Bruha beis di hende tur dia ohm !
Kico hasi ? Sera algun oficina den exterior cu ta propaganda y bende
Pa nos no sigi tende cu e pida laman yama 3 trapi no ta di local pero di turista ?!
Ki coi loco esaki,
Ki barbaridad
Ki nos mes of nan a hinka den nan cabes ?
Mundo henter ya sa di Aruba, no tin duda
Deportivamente y culturalmente den nos bida diario presente
Comparti cu nan un dede
Nan ta guli bo man
Di bayna lugar pa nos mes na laman
Preta bandi otro ta solia
Nos tristo storia
Sera algun oficina pa stop e carreda di baca flaco cu ta bin sin nada den saco, ni UN dollar no ta paga pa keiro den e tram, ta cua gobierno a permiti y awe pueblo ta sufri ?
Esta bayna noh !!
Un ta cos !!
Nos mes a bende nos mes barata y cheap
What we sow is what we reap ?!
Ruthy Lady Ruth
Augustus 2026
