Cu grato placer Fundacion Movemento ta Bida (FMtB) ta informa cu a ricibi for di Gobierno di Arubaunsubsidio pa sostene e funccionamento di e GRUPONAN (PASA DIA) DI ADULTO MAYOR DENDIFERENTEDISTRICTO NA ARUBA, cu ta bin hunto periodicamente pa socialisa, recreacional y desaroyo personal. E peticion pa subsidio pa e proyecto Pasa dia den Bario, a wordo recientemente aproba. E procesoabayden deliberacion estrecho y colaboracion cu e Departamento di Adulto Mayor y Minister Sra. MervinWyatt-Ras di Salubridad, Asuntonan Social, Asuntonan di Adulto Mayor y di adiccion. Un procesoabasedi basta reunion, entrega di varios documento relevante, e.o. relato financiero, relato anual di actividaddi FMtB, presentacionnan y tur loke mester a haci pa yega hunto na un subsidio hopi importante panosadulto mayor cu semanalmente tin caminda di bay pa socialisa, haya informacion ariba topiconanactual of legal, haci diferente ehercisio, p.e. baile terapia, fysiofit, bebe coffee hunto y combersa…y asina nos por nombra mas actividad cu ta varia y ta recreativo.
FMtB tin informacion y contacto cu 32 grupo di Adulto Mayor activo na Aruba. E gruponan den contactocu FMtB tin un cantidad di miembro cu ta varia entre 5 pa 66 persona. Total di 22 grupo a logra di registra y participa na un presentacion cu FMtB a organisa na Expozaal di Cas di Cultura diaransondia29di juli. Total tabata presente 31 boluntario y lidernan di e respectivo gruponan di adulto mayor. Cuater (4) miembro di directiva di FMtB a guia e presentacion. E informacion cu a presenta tabata hopi importante, pasobra mester a splica e proceso con cada grupo por aplica pa e sosten financiero, ademasdi stipulacion, condicion y obligacionnan pa bin na remarca pa e sosten financiero y con pa responsabilisa pa esaki. Hopi pregunta a wordo lansa y contesta. Despues a splica tambe e contenidodi e combenio (‘toekenningsovereenkomst’) cu FMtB den cuadro di e proyecto aki.
Na final por a formalisa di biaha e peticion pa sosten financiero. Den total 14 grupo a haci esaki: HoneyBees, Grupo Sunshine 60+, Sigui Move Bubali 60+, Curason Jong, Flor Bon Bini, Grupo Uni, Grupo AdultoActivo Piedra Plat, Happy Hearts, Grupo Tera y laman, Grupo Savanah, Samen Oud Savaneta, Flor di Brazil, Grupo Flor di Aloë, Grupo Flor di Lely. Falta algun mas pa consulta cu nan miembronan promecunan entrega nan peticion formalmente. Tambe FMtB lo follow-up cu e otro gruponan cu no a lograparticipa na e reunion menciona. P’asina pronto nan tambe ricibi tur informacion necesario pa por disfruta di e sosten financiero di parti di gobierno. Locual ariba su mes ta un reconocimento di e importancia di nan trabao y actividadnan pa e poblacion di adulto mayor.
Si bo tin bo mesun grupo of ta desea di haya guia con pa cuminsa cu un grupo, tuma contacto cunos: movementotabida@gmail.com Nos oficina ta na IBISA, Frankrijkstraat 1, of por yama 594-2546Sr. Rudy Leysner.
Pa finalisa, e logro aki pa e gruponan di adulto mayor ta un muestra di bon colaboracion y cu uniontahaci forsa. Na nomber di tur grupo di adulto mayor y FMtB, danki un vez mas na nos Minister Sra. Mervin Wyatt-Ras, di Salubridad, Asuntonan Social, Asuntonan di Adulto Mayor y di adiccion y tambe naSra. Desiree Helder di Directie Ouderenzaken.
