Hesus a papia palabra cla den Evangelio ora El a bisa su discipelnan pa nan tuma mucha como ehempel. Mucha ta inocente, mucha no ta pensa maldad, mucha no ta descrimina, mucha no ta pensa malo prome cu bon. Laga nos tuma ehempel di mucha y sea humilde y manso di curason manera mucha, semper proyectando alegria y felicidad. Nos mester keda expresa cariño y enfoca riba fieldad y berdad. Ruman, si nos fiha riba e persona di mucha nos mundo lo ta un miho mundo, sin prehuicio y condenacion. Laga nos tuma Hesus su palabranan na serio y trece nan den practica den nos bida cotidiano.
Oracion: Señor Hesus, haci mi curason pareu na Bo curason pa medio di Bo Spirito Santo cu ta reina cu Bo den tur eternidad. Amen.
