Un bunita Salmo cu nos ta scucha hopi biaha y na momentonan crucial di nos biba, hopi bes ora un hende a laga e mundo aki y pasa pa esun “miho”. Pakico nos ta bisa “miho” simpel paso Hesus ta bisa:”pa tur cu kere den djE, haya e bida eterno cu ta den djE”(Huan 3,16b) otro versiculo cu nos conoce y cu ta duna nos un speransa den e amor di Hesus y pa nos ta un dia hunto cu Hesus den e reino priminti. Hesus ta busca tur tipo di excuus pa nos por ripara cu El ta stima nos. Pero nos ta lubida mucho bes riba Huan 3,16! paso di nos banda nos ta hopi ocupa cu yen di cos hopi bes, cu no ta mes importante y nos ta laga di scucha, kere y confia den Hesus, cu ta priminti nos bida eterno cu e unico condicion: stima y cumpli. Awor ta esey mes nos ta of mester anhela tambe paso nos mester bira consciente cu sin Hesus no tin salbacion pero nos tin cu pidi e forsa y confiansa di Spirito Santo.
Oracion: Spirito Santo, nos yudado, nos ta hopi debil pero mustra nos e caminda cu ta hiba nos na bida, e bida eterno cu Hesus ta priminti nos. Esey nos ta pidi pa intercesion di San Huan Eudes. Amen.
