Awe nos ta conmemora e martirio di San Huan Bautista. E Evangelio ta describi con Bautista a muri, sin ser procesa durante un bankete, victima di e prepotencia y di e corupcion di Herodes y su corte. Lesnan principal for di e Evangelio di awe: E balentia di e berdad: Huan Bautista no a keda keto dilanti di e inhusticia politico, prefiriendo e fieldad na Dios prome cu e comodidad di bida terenal.E peliger di vanidad: Herodes a actua pusha pa locual su invitadonan lo bisa y pa un huramento imprudente, demostrando cu e falta di caracter ta destrui e hendenan. E seduccion superficial: Herodes tawata scucha Huan Bautista cu cierto interes y intriga, pero nunca el a compromete su mes di berdad cu e mensahe di e Reino. Flavio Hose un escritor di e epoca ey, a informa cu e motibo real di encarcela Huan Bautista tawata e miedo cu Herodes tawatin: e tawatin miedo cu e pueblo lo lanta. E denuncia di Huan Bautista contra e moral depriva di Herodes (Mc.6,18) tawata e druppel cu a ’desborda’ di e glas, y Huan a ser encarcela.
Oracion: Señor laga nos tin e mesun balor di un hende fiel na Dios manera Huan Bautista pa medio di Cristo nos Señor. Amen.
