Nos tur mester cana den boluntad y sabiduria di Dios, pa asina nos por agrada Dios, y alcansa nos meta den bida.
E mundu ta purba tur manera di aumenta inteligencia, pero locual ta para scirbi no ta cambia:
1 Corintionan 1:25 ta bisa lo siguiente: Pasobra e locura di Dios ta mas sabi cu hende, y e debilidad di Dios ta mas fuerte cu hende.
Dios su creacion ta asina grandi cu hende no por compronde, te ainda tin parti di flora y fauna cu hende no conoce, pasobra mundu ta asina grandi , cu te ainda tin parti di mundo, caminda hende no a pone nan pia.
Asina tambe ta e amor di Dios pa hende, te ainda ta falta gran parti di humanidad pa reconoce e amor di Dios y kere den Su Yiu unigenito cual ta Cristo Hesus.
Si nos wak cuanto cos ta pasando den mundo, nos tur ta mira cu e locual ta naturalesa cual Dios a crea no por wordo domina cu sabiduria di hende, pasobra e forsa di e naturalesa ta surpasa conocemento di hende.
Pesey mira con boso ta cana, no manera hende bobo, ma manera hende sabi, haciendo bon uso di boso tempo pasobra e dianan ta malo;Pesey anto no sea bobo,ma comprende kico ta e boluntad di Senjor.( Efesionan 5:15-16-17).
Cada biaha cu nos como hende rechasa e boluntad di Dios pa nos bida, nos ta cana den bobedad y no den sabiduria.
Pasobra e boluntad di Dios ta bon, puro, y agradabel pa nos bida y e ta trece pas den nos bida.
Tin biaha hende mes por samina nan bida, y wak si nan ta den boluntad di Dios, pasobra awendia si bo kier coregi un persona, bo tin hopi chens cu e ta bisa bo cu bo ta husga,
E enemigo ta purba tur manera pa mantene hende den scuridad:
Si un hende a sali for di droga y bolbe bay bek den droga no ta boluntad di Dios.
Hende cu ta cana cu arma, no ta den boluntad di Dios.
Si un hende ta bebe y stuur y causa accidente no ta boluntad di Dios.
Si un hende ta maltrata su famia, su casa y su yiunan esey no ta boluntad di Dios.
Si un hende ta arogante y ta sinti su mes mas cu otro no ta boluntad di Dios.
Si un hende ta ganja y ta persigi su ruman no ta boluntad di Dios.
Si un homber / muhe ta den adulterio no ta boluntad di Dios.
Si un hende no ta acepta e sexo den cual Dios a crea su persona , no ta boluntad di Dios.
Si un mucha ta rebeldia contra su mayornan , no ta boluntad di Dios.
Caminda tin dictadura y opresion no ta boluntad di Dios.
Caminda hende ta biba den pica y no kier arepenti no ta boluntad di Dios.
Caminda hende no ta respeta ni tampoco pordona nan no ta den boluntad di Dios.
Caminda tin idolatria , no tin boluntad di Dios.
Esaki ta un simpel ehempel di cosnan diario cu nos tur ta mira, y nos tin di tene cuenta cune, pa ora e furia di Dios lanta, nos sa y ta comprende ta pa kico.
Tin tesoro precioso y zeta den cas di e sabi,ma un hende bobo ta dispidi tur loke e tin.(Proverbionan 21:20).
Ma si cualkier di boso tin mester di sabiduria, lage pidi Dios, Kende ta duna na tur hende generosamente y sin reproche, esaki lo wordo duna na dje. ( Santiago 1:5).
Sabiduria di Dios tey pa nos tur.
Sinceramente, Pastor Marcel Balootje
