Diadomingo pasa di mey anochi caminda panort di Superfood a wordo cera pa un accidente serio, unda cu a manda te hasta materiaalwagen.
Algo prome cu 12’or y mey diadomingo informacion a drenta cu auto a bolter riba ex sasaki weg y cu ta dos auto tin envolvi.
Informacion adicional a papia di hende pega den auto, unda pa e motibo ey a pidi pa brandweer.
Na e sitio nos reportero a papia cu un di chauffeurnan, su version tawata cu e ta na stuur di e Nissan Fair Lady. Dado momento e la bay pasa of tawata pasando e Suzuki Swift y a touch[mishi] cu e Swift color cora.
Aki ta unda e accidente cu por a termina pio a cuminsa. E mishimento na parti di e swift lo a causa e efecto cu e Swift a perde control y e Nissan tambe.
E Suzuki a bay bolter y e Nissan a sigui bay y termina den greppel di e Avenida.
Varios Ambulance a presenta, pero despues di a haci e controlnan necesario solamente e dama di e Suzuki a bay Hospitaal pa extra control.
Posiblemente velocidad hopi halto tawata causante di e accidente aki cu por a termina pio.
