Stephen Richards, un studiante di SISSTEM, a defende su tesis di BSc (Bachelors of Science), “Spatial Patterns of Chlorophyll-a in Relation to Gradients of Human Activity in Aruban Coastal Waters”, na Universidad di Aruba.
Stephen a investiga e concentracion di chlorofyl-a na nuebe diferente sitio na costa di Aruba cu ta indica e diferente nivelnan di actividad humano. Su investigacion a haya diferencianan cla entre e sitionan cu concentracionnan generalmente aumentando for di e punto di referencia pa e luganan mas impacta, mientras cu ta revela variacionnan considerabel denter di cada sitio individual.
E estudio ta enfatisa e importancia pa monitor e chlorofyl-a pa compronde e patronchinan di e calidad di awa na costa, y ta enfatisa e importancia di combin’e cu nutrientenan y otro medidanan di medio ambiente.
Stephen a cuminsa na Universidad di Aruba durante e Aña di Fundacion Academico na 2022 y a sigui den e SISSTEM BSc den Bio-Environmental Sciences. Awor e lo sigui su biahe academico den e programa SISSTEM MSc, basa riba su experencia di e investigacion di medio ambiente y laman na Aruba.
Pa mas informacion tocante e investigacion, por fabor tuma contacto cu SISSTEM na stem@ua.aw.
