Mi rumannan, mal spirito ta reconoce Hesus, ”Mi sa bon bon ta ken Bo ta; Bo ta e Santo di Dios.Ta toca solamente e mal spirito of unicamente mal spirito ta esun yama pa reconoce y proclama su grandesa? Ki ta para di nos? Acaso nos por bisa Hesus mi conoce Bo bon bon? Con abo ta reconoce Hesus den bo bida cristian? Asina por tin basta interogativo cu por yuda nos reflexiona riba nos relacion cu Hesus. Mi ta acepta Hesus como e Yiu di Dios, su palabranan, enseñansa y cu E tin poder di libra mi di tur mi picanan. Nos no mester enfoca cua por tabata e malesa-posesion di e homber. Loke ta importa ta pa mira cu Hesus, fuera di papia tocante e Reino di Dios, semper tin gestonan di acerca cu misericordia na esnan cu ta sufri di maldad den nan bida.”Senor ta cerca esnan cu ta invok’E, cerca tur cu ta yam’E di curason.
Oracion: Salmo 145,18 Hesus ta papia awe pa medio di Su siguidonan. E ta hunto cu nos y Su gracia ta cu nos pa apoya nos debilidadnan. Laga nos confia den djE y transmiti nos fe cu entusiasmo, haciendo bon como expresion di nos creencia. Amen.
