E inspiracion cu tey cu mi awe
E curason parti na dos atrobe
E pregunta cu ta manece
E pregunta cu no tin contesta p’e
Den shelonan bulando den avion
Semper puntrando mi mes con ?
Dios cu a crea mentenan
cu a inventa y crea
Un cas movibel den espacio celestial
Un bus den aire cu tin mas di nan igual
Cu un crenchi temblamento de ves en cuando
Sperando pa e ateriza
Sano y salvo
Sperando pa ta bek na cas mas inspira
Meymey di banyo di e solo
Meymey di e nubianan
blanco cristalino
Y e aire puro cargando e cas
Cu ayudo di motor
y halanan mecanico
Un invencion unico
E sintimento di paz
Ta alimenta e alma
Cu por a bay bishita y pasa dushi tempo cu famia
Crusa frontera di shelo laman y tera
Ki bunita alegria
Danki bon Dios pa e milager di avion, trein, auto, bicicleta y boto
Pa musica yen di boroto
Pa un mundo dorna di bunita naturaleza
Mama tera su beyeza
Cu ta duna hopi bendicion
Ariba telefon
Transmision y adaptacion
Mas coneccion
Mi curason ta bon
Mi amor tin biaha chikito
Mi amor pa Dios infinito
E ta duna mi bida rason.
Ruthy Lady Ruth
Augustus 2026
