Informe for di seno berde ta mustra cu e futuro di Dowers den politica no ta mucha cla ainda. Mientras cu Dowers mes ta asumiendo cu e tin un number riba lista y cu e lo ta e cara di husticia di Partido AVP, tin deseo ferviente den top di partido pa haci cambio grandi y trece caranan nobo dilanti riba lista.
Algun dia pasa, Robert Candelaria a cuminza su campaña unda el’a tene reunion cu un cantidad di polisnan pensiona, unda el’a profila su mes como e minister di husticia nobo di e partido berde.
Esaki no a cay den bon tera serca Dowers, unda awe mainta el’a rueda di prensa pa asina claim su posicion, su number riba lista y mustra su disponibilidad pa bolbe sirbi partido.
E realidad ta cu Dowers a perde masha hopi voto den eleccion 2017. Na 2013 el’a logra 2079 voto na number 6. Na eleccion 2017 el’a bay number 4 y a perde 574 voto y a saca unicamente 1505 voto. Candelara cu a subi lista na 2017 a logra solamente 344 voto, pero publicamente a cuminza profila pa bira Minister di Husticia. Loke no por kita for di Candelaria ta cu e ta sali for di polis, mientras Dowers a sali for di Hospital.
Segun por bin compronde cu e partido kier haci un cambio grandi y tur e bieuwnan por keda, pero mester accepta numbernan mas halto ( mas patras). Dowers ta cla pe cambio?
