Ken ami ta representa den e texto aki? Ami ta e palo of e fruta? Hesus ta mustra nos, loke nos ta expresa cu palabra of echo, ta loke nos curason ta yen di dje. Con pa laga e curason saca cos bon? Door di scucha, biba y practica e Palabra di Dios, nos por bira un miho ser humano. ”Pakico boso ta grita Señor, Señor, sin haci loke mi bisa?” (v.6) Hesus ta spera di nos cu ta cristian, pa nos fe keda demostra den nos obranan…Fe sin obra ta morto. Por ultimo Hesus ta conta e parabola di dos casnan cu dos tipo di fundeshi. Mescos cu e cas unda nos ta biba aden mester ta fuerte, asina tambe Señor ta spera pa nos fundeshi, nos fe den djE ta solido. Den caso cu tin mal tempo (nos bida spiritual), e fundeshi den Cristo no ta laga nos sucumbi.
Oracion: Tata Dios, duna mi un spirito renoba. Yuda mi anhela e cosnan di shelo y no di mundo. Yuda mi ofrece loke ta bon y bunita na otronan cu mester di Bo amor. Cu e frutanan di Spirito Santo por manifesta den mi bida y yuda transforma esun di mi prohimo. AMEN!
