Dialuna den oranan di anochi na altura di e brug dilanti Renaissance Wind Creek Resort Aruba, un peaton a bay crusa caminda y a wordo gedal pa un Taxi. E peaton masculino tabata herida y tabata tin mester di asistencia medico.
Mesora a pidi pa presencia di polis y ambulance. Na e sitio polis a bin compronde cu e peaton tabata riba zebrapad crusando na momento cu e la wordo alcansa pa e taxi.
Polisnan mesora a cera e caminda y na yegada di ambulance e paramediconan a trata e homber na e sitio y despues a transporte pa hospital.
Polis di departamento di trafico tambe a presenta na e sitio pa asina tuma mas datos di e accidente.
