Diabierna den orana di anochi un dama tras di stuur di un Chevrolet blanco riba e caminda pa un of otro motibo no a pone atencion y a hala cu su auto na su man drechi y a dal contra un otro auto Ford Lincoln staciona canto.
E impacto tabata fuerte, cu e habitantenan di e cas cu a scucha e zonido fuerte a sali mesora pa mira kiko a sosode y a bin topa cu e autonan cu hopi danjo material. E dama tras di stuur a keda herida.
Mesora a pidi pa asistencia di polis y ambulance na e sitio. Polis a presenta pa atende cu e accidente y e paramediconan di ambulance na yegada a trata e dama na e sitio.
