Mateo ta siña nos awe e enseñansa con Hesus ta yama nos pa amor y misericordia sin importa nos erornan of e husgamento di otro. E mirada di Hesus no ta manera esun di hende, Hesus a mira un ser humano stima cu’n potencial nobo, un homber cu por haci hopi pa e Reino di Cielo. Y Hesus a yam’e cu tur e amor y misericordia di su curason pa ta un di su apostelnan. Nos tur ta ricibi un vocacion den bida, Dios a crea nos pa sirbi un caminda, pasobra nos tin un mision pa cumpli cu ne. E no a crea nos djis pa crea sino cu’n proposito. Hesus a pidi nos pa siña e nificacion di “Misericordia mi kier y no sacrificio”, Dios ta prefera e compasion real prome cu e ritualnan bashi of e orguyo religioso. Por lo tanto laga nos haci obranan y haci sirbishi na otro na unda cu nos ta y na unda cu nos bay, sirbi e Dios grandioso ey cu no ta haci nada pornada, E sa loke E ta haci.
Oracion: Señor yuda mi pa laga tur preocupacion los pa mi por scucha Bo y sigui inspiracionnan di Bo Spirito Santo. Amen.
