Proverbionan 13:20 ta bisa lo siguiente: Esun cu anda cu hende sabi, lo ta sabi, ma un companjero di hende bobo lo sufri danjo.
1 Corintionan 15:33 ta para scirbi : No laga hende ganja boso, mal compania ta danja bon custumber.
Cana cu hende sabi ta nifica:
Cana cu hende cu ta honra Dios.
Cana cu hende cu tin respet pa nan mayornan.
Cana cu hende decente.
Cana cu hende cu ta encurashabo, no hende cu ta descurashabo.
Cana cu hende cu moral halto, cu ta pensa riba un futuro briyante.
Evita di cana cu hende cu ta haci redo y forma bomboshi y enemistad.
Aleha for di hende violento cu ta cana cu arma.
Aleha for di hende cu ta yena cu rabia y odio, y no kier pordona.
Aparta for di hende cu constantemente ta papia palabra malo, pa bo no contagia.
Mantene amistad cu hende cu kier studia, nan kier bay dilanti y nan tin un proposito den nan bida.
Hopi biaha ora un mayor papia cu su yiu, e ta puntra e mayor cu ken e mester tin amistad anto, pero ora e sigi e conseho di su mayor, cu no ta djis bise algo, pero cu por sinta cune y conte experiencia di bida, y duna un testimonio cu e mayor mes su bida, anto e hoben ta bin compronde locual e mayor ta splike.
Proverbionan 22:1 ta bisa; Un bon nomber ta mas di desea cu gran rikesa,y aprecio ta mihor cu plata y oro.
No laga misericordia y berdad bandona bo , mara nan rond di bo garganta,scirbi nan riba tabla di bo curason, asina lo bo hanja gracia y aprobacion den bista di Dios y hende.( Proverbionan 3:3-4).
Con un hoben por tene su caminda puro? Door di mantene esey segun Bo palabra . Bo palabra mi a sconde den mi curason pa mi no peca contra Bo.(Salmo 119:9 y 11).
Den 1 Timoteo 4:11 Pablo ta bisa na Timoteo: No laga ningun hende menosprecia bo hubentud,ma mas bien den palabra, conducta, amor, fe y puresa, demostra bo mes di ta un ehempel,pa esnan cu ta kere.
Den 2 Timoteo 3: 10 Pablo despues di a splica tocante e tempo trabahoso cu ta bini, y cu awor nos tur ta mira, e a duna Timoteo e siguiente encargo bisando: Ma abo sigi mi sinjansa,conducta, proposito,fe,pasenshi,amor, perserveransia.
Despues tambe e ta splica Timoteo cu tur hende cu ta desea di hiba un bida santo den Cristo Hesus lo wordo persigi.
E conducta di un hoben, ta principia su bida y despues lo engrandese su bida, e conducta ta locual e mayor mester traha riba dje , pasobra ora un mucha ta chikito e no sa balor di un bon conducta, pero segun e cuminsa crece, e ta bin ripara cu un bon conducta, ta bal diamante, pasobra un hende por ta bon studia, pero sin un bon conducta y sin integridad, e no por yega lew, pasobra bo conducta ta sostene bo karakter.
Huy for di inmoralidad. Tur otro pica cu hende ta pafo di e curpa, ma e hende inmoral ta peca contra su mes curpa,( 1 Corintionan 6:18).
Awor huy pa e pasionnan di hubentud,y busca husticia,fe, amor y pas,hunto cu esnan cu ta yama na Senjor cu un curason puro.( 2 Timoteo 2:22).
Tene bon cuenta cu bo forma di bisti, bo hygiena y bo vocabulario ta bo representante tur caminda cu bo bay.
Mas bo respeta , mas hende lo respeta bo ,mas bon bo haci, mas bon lo bo ricibi.
Sinceramente, Pastor Marcel Balootje
