E mundo di politica na Aruba a conoce un cambio den e temporada cu e pueblo lo mester a bai na urnanan electoral pa deposita nan voto riba un partido politico cu lo representa e voz di pueblo den Parlamento di Aruba. E organo mas halto den nos constitucion cu lo mester percura pa e Pais aki di Aruba lo wordo controla y goberna den e mihor forma. Ta un tradicion cu e temporada aki tin un sin fin di desaroyonan interesante.
E creatividad di partidonan cu ta bai den e contienda electoral, ta traha nan plan di gobernacion pa asina por bende nan idea na e pueblo votador pa asina nan hanja e confiansa pa controla e proximo gobierno di Aruba.
E comerciante / politico Sr. David Luis Benjamin Francees a apararece riba e lista di Partido CURPA den e ultimo eleccion na 2017
no. 2 den e lista. Benjamin Francees ta hopi conoci e tempo ey den deporte y specialmente hopi serca di Baseball caminda ela dirigi organisacion di Baseball di muchanan den bario rond Paradera / Piedra Plat, cu tawata conoci den Giants Baseball Organization.
Sr. Benjamin Francees ta propietario di un compania di Seguridad cual desde 1999 ta activo den brinda seguridad na su clientenan, den nomber di Benjamin Security Services NV.
Pa 2021 den e temporada di Eleccion 2021, Sr. Francees a tuma e decision pa distancia su mes di Partido Politico CURPA y lo enfoka mas den comercio.
E mundo politico na Aruba ta pasando den momentonan di retonan grandi, caminda labor, social, economia, husticia, ta sufriendo.
Nos kier a desea tur politiconan activo hopi exito y cu Aruba lo sa di escoge tremendo politiconan / gobernantenan pa nos Pais. Por ultimo mi kier enfatisa, cu ta importante pa nos tur pone mas energia positivo y entusiasmo pa asina nos por hiba nos Pais dilanti.
