Minister di Husticia, Integracion, Transporte Publico y Energia, mr. drs. Arthur Dowers, a dirigi palabra na Nacionnan Uni na New York den nomber di Reino Hulandes, durante e reunion di alto nivel pa conmemora 40 aniversario di Declaration on the Right to Development.
E reunion ta forma parti di e actividadnan di alto nivel durante di 81 sesion di Asamblea General di Nacionnan Uni y ta marca 40 aña desde cu Asamblea General a adopta e declaracion na 1986. E declaracion ta reconoce derecho na desaroyo como un derecho humano cu no por wordo kita y ta pone enfasis riba participacion, igualdad di oportunidad y cooperacion internacional.
Durante su discurso, Minister Dowers a enfatisa cu derecho na desaroyo ta conecta directamente cu diferente derechonan humano y cu desaroyo sostenibel mester inclui tanto derechonan civil y politico como derechonan economico, social y cultural.
“The right to development is a symbol of the indivisible, interdependent, and mutually reinforcing nature of all human rights.”
Minister Dowers a señala cu Agenda 2030 ta keda e guia internacional pa desaroyo sostenibel, pero cu conflicto, cambio climatico y desigualdad creciente ta pone presion riba e progreso logra te awo.
Den su discurso, el a reafirma e compromiso di Reino Hulandes cu Agenda 2030 y a subraya cu Aruba, Curaçao, Sint Maarten y Hulanda, cada un for di nan propio contexto, ta traha cu un meta comparti: un futuro husto, inclusivo y sostenibel.
“Aruba, Curaçao, Sint Maarten and the Netherlands work in their own context, with one shared goal: a just, inclusive and sustainable future.”
Un otro punto importante den e discurso tabata cooperacion. Minister Dowers a enfatisa cu ningun pais por logra desaroyo sostenibel su so y cu e principio di cooperacion entre paisnan ta forma un parti importante di e Declaration on the Right to Development.
Tambe el a anuncia cu Reino Hulandes lo presenta su di tres Voluntary National Review tocante progreso riba Sustainable Development Goals (SDGs) otro aña. E proceso lo conta cu participacion di hobennan, sector priva y sociedad civil, pa asina refleha e SDGnan como un agenda comparti.
Minister Dowers a expresa ademas sosten di Reino pa procesonan di reforma cu tin como meta haci Nacionnan Uni mas representativo, resiliente y efectivo pa enfrenta e retonan actual.
Na final di su discurso, Minister Dowers a haci un yamada pa e 40 aniversario no ta solamente un momento pa wak bek, sino tambe pa renoba compromiso cu e futuro:
“Let the 40th anniversary of the Declaration remind us of our common goal to ensure that every person has the ability to shape their own future.”
Participacion di Minister Dowers na e reunion di alto nivel ta forma parti di su programa na New York durante High-Level Week di Asamblea General di Nacionnan Uni, como parti di delegacion di Reino Hulandes.
Minister Dowers spreekt namens het Koninkrijk der Nederlanden de Verenigde Naties toe
Minister van Justitie, Integratie, Openbaar Vervoer en Energie, mr. drs. Arthur Dowers, heeft in New York namens het Koninkrijk der Nederlanden de Verenigde Naties toegesproken tijdens de bijeenkomst op hoog niveau ter gelegenheid van het 40-jarig bestaan van de Declaration on the Right to Development.
De bijeenkomst maakt deel uit van de activiteiten op hoog niveau tijdens de 81e zitting van de Algemene Vergadering van de Verenigde Naties en markeert veertig jaar sinds de Algemene Vergadering de verklaring in 1986 aannam. De verklaring erkent het recht op ontwikkeling als een onvervreemdbaar mensenrecht en legt de nadruk op participatie, gelijke kansen en internationale samenwerking.
Tijdens zijn toespraak benadrukte minister Dowers dat het recht op ontwikkeling rechtstreeks verbonden is met verschillende mensenrechten en dat duurzame ontwikkeling zowel aandacht vereist voor burgerlijke en politieke rechten als voor economische, sociale en culturele rechten.
“The right to development is a symbol of the indivisible, interdependent, and mutually reinforcing nature of all human rights.”
Minister Dowers wees erop dat de Agenda 2030 de internationale leidraad voor duurzame ontwikkeling blijft, maar dat conflicten, klimaatverandering en toenemende ongelijkheid de tot nu toe geboekte vooruitgang onder druk zetten.
In zijn toespraak bevestigde hij opnieuw de inzet van het Koninkrijk der Nederlanden voor de Agenda 2030 en onderstreepte hij dat Aruba, Curaçao, Sint Maarten en Nederland, ieder vanuit hun eigen context, werken aan één gezamenlijk doel: een rechtvaardige, inclusieve en duurzame toekomst.
“Aruba, Curaçao, Sint Maarten and the Netherlands work in their own context, with one shared goal: a just, inclusive and sustainable future.”
Een ander belangrijk onderdeel van de toespraak was internationale samenwerking. Minister Dowers benadrukte dat geen enkel land duurzame ontwikkeling alleen kan realiseren en dat het beginsel van samenwerking tussen landen een belangrijk onderdeel vormt van de Declaration on the Right to Development.
Ook kondigde hij aan dat het Koninkrijk der Nederlanden volgend jaar zijn derde Voluntary National Review over de voortgang van de Sustainable Development Goals (SDG’s) zal presenteren. Dit proces zal plaatsvinden in nauwe samenwerking met jongeren, de private sector en het maatschappelijk middenveld, waarmee de SDG’s als een gezamenlijke agenda worden benaderd.
Minister Dowers sprak daarnaast de steun van het Koninkrijk uit voor hervormingsprocessen die erop gericht zijn de Verenigde Naties representatiever, veerkrachtiger en effectiever te maken bij het aanpakken van de uitdagingen van deze tijd.
Aan het einde van zijn toespraak riep minister Dowers ertoe op om het 40-jarig bestaan van de verklaring niet alleen als een moment van terugblik te beschouwen, maar ook als een gelegenheid om de gezamenlijke inzet voor de toekomst te hernieuwen:
“Let the 40th anniversary of the Declaration remind us of our common goal to ensure that every person has the ability to shape their own future.”
De deelname van minister Dowers aan deze bijeenkomst op hoog niveau maakt deel uit van zijn programma in New York tijdens de High-Level Week van de Algemene Vergadering van de Verenigde Naties, als onderdeel van de delegatie van het Koninkrijk der Nederlanden.
