Reverendo Pastoor Jozef Pelc y Reverendo Pader Michael Nicolaas di Parokia Birgen di Fatima Dakota hunto cu e grupo di debotonan di San Miguel Arcangel ta invita tur demas deboto, parokiano y pueblo di Aruba en general na tridium di San Miguel Arcangel cuminsando diasabra, 26 di September pa 6.15 p.m., diadumingo 27 di September pa 5.15 p.m., dialuna 28 di September 6.15 p.m. na misa Birgen di Fatima Dakota. Celebracion y Fiesta di San Miguel y e otro Arcangelnan, Gabriel y Rafael lo ta diamars 29 di September pa 8’or di mainta cu un Santo Sacrificio di misa Solem na Parokia Birgen di Fatima Dakota. Pa 7.15 a.m. ta reza Rosario di San Miguel Archangel.
Exodo 23; 20-23:
“ Señor ta bisa: Mi ta manda un angel boso dilanti pa e proteha boso na caminda y hiba boso e luga, cu Mi a prepara pa boso. Percura tende di dje.
No lanta contra dje, pasobra e lo no pordona boso rebeldia. Den dje MI mes ta presente. Ma si boso tende bon di dje y haci tur loke Mi bisa, lo Mi ta enemigo di boso enemigonan y adversario di boso adversarionan.”
