Richard Arends a duna su prome reaccion via Canal 90 fm riba e rapport forensico cu a wordo entrega diahuebs mainta na Promer Minister. E politico a bisa cu esun cu no ta di acuerdo cu loke a sosode den RDA, mester a zorgo pa gana eleccion na 2013, y asina por a hiba su maneho den e compania:
Richard Arends: Mi no a haya e rapport ainda y no sa kico tin. Mi no sa na ki punto precies nan ta referi. Ministerio Publico lo no por usa tampoco un rapport forensico pa haci un investigacion penal. Esaki ta mas bien pa tene nan achterban contento. Ta sumamente curioso y chistoso cu e gobierno aki ta kere cu nan tin un sosten den parlamento. Nan ta demisionario. Bo bin cu un OV aworaki den parlamento, bo ta wordo manda cas. Mi no sa den ki realidad nan ta biba. Nan ta usa esaki pa atacha e bon nomber di hende.
Mi tabata tin consulta cu Promer Minister na hopi ocacion. E tabata hacimi pregunta. Mi por separa di loke ta haci politica, y kico ta e liña cu bo no mester crusa. Tur contesta cu mi tabatin mi a contesta. Na cierto momento mi tabata bon, pero awor mi ta wordo difama tur cu tin.
E achterban politico di MEP a exigi pa sigui cu e investigacion. E investigacion a costa miyones. No tin nada ilegal cu a wordo haci. Cu abo no ta di acuerdo, bo mester a zorgo pa gana eleccion na 2013.
Hefenan di departamento ta contactando Sr. Richard Arends, pa puntra kico lo bay bira e maneho, ora e gobierno nobo sinta. Pues nan dia ta conta.
Por scucha e declaracion den e audio aki, via Canal 90 fm.
