Awe, e Evangelio ta invita nos pa refleha riba un punto central di nos fe cu hopi claridad y no menos insistencia: e siguimento radical di Hesus. ”Sigui Mi”, dos palabra so. No ta un invitacion ta un ordo cu amor. Mi ruman, Hesus no tabata sin curason cu deramento di un tata ta importante. Pero kico E kier siña nos? Hopi biaha nos tambe ta bisa Dios mescos. Prome laga mi caba paga mi debe, haya un trabou miho, drecha mi matrimonio y cura di e dolor ey. Nos ta pone un ”prome” dilanti di Dios cu condicion. Dios semper mester ta prome den tur cos. Si nos warda te ora tur cos ta perfecto pa sigui Dios nos lo nunca sigui’E. Bida nunca ta perfecto. Bo ta sigui esun cu bo conoce y stima. Sigui Hesus ta cuminsa cu conoc’E y stim’E di curason. E ta Esun cu nos ta proclama cu nos manera di biba..Ora nos sigui Hesus di berdad, E mes ta cuida di bo cas, bo tata, bo debe y bo famia. Bisa awe: ”Señor, aunke mi bida ta den desorden, mi ta sigui Bo awor. Bo encarga di loke mi no por.
Oracion: Maria, siña mi confia e Tata y brasa su boluntad cu amor. San Heronimo, resa pa nos. Amen.
