Hopi bes nos ta menciona e mandamentonan djis pa menciona, pero awe nos ta haya un otro punto cu nos no ta dal cuenta riba dje y ta pasa nos hopi. Anto ora “palo hala” cu nos, mesora nos ta cay na rudia manera nos a mira den e Salmo of nos ta cuminsa tira Señor cu piedra. (acusa Señor pa nos situacion) Pero locual cu Señor ta haci ta spierta nos for di e soño cu mundo ta hinca nos aden, un soño cu ta bruha y desvia nos di Dios su amor y su gracia, esey ta e pica cu ta kibra nos amistad cu Dios. P’esey nos ta tende cu e caminda di Señor ta duro, pero e berdad ta cu e caminda ta mes duro cu nos mes ta hacie, paso nos kier pa Dios cumpli cu nos segun nos ta pidi y segun nos ta anda pero esey no por. E mandamentonan ta instruccionnan / un manual, perfecto pa nos por cumpli cu boluntad di Dios. P’esey ami y abo mester somete nos mes na Señor sin ningun condicion y hiba un bida segun su mandamentonan cu ayudo di Spirito Santo cu ta cla pa yuda nos.
Oracion: Mi Señor y mi Dios uza mi tambe como un instrumento pa yena mundo cu Bo paz, amor y alegria. Amen.
