Rumannan, di acuerdo cu un tradicion cristian di antes, e parabola di e bon Samaritano, aki tambe ta un alegoria poderoso di e caida y redencion di humanidad. Simbolo di e bon
Samaritano ta Hesucristo mes, pasobra t’E ta mara nos heridanan, un laso di salbacion eterno cu no por wordo kita. E bon Samaritano a basha biña riba e heridanan. E sanger di Hesus ta laba tur nos picanan for di nos alma asina cu Spirito Santo por ta cerca nos atrobe cu su donnan santificante (azeta). E bestia di carga di e Samaritano tabata wordo considera como un simbolo di e curpa di Cristo. Ser poni riba bestia di carga ta nifica den nos creencia cu Dios a bira carni, a tuma nos picanan riba su mes, y a sufri pa nos asina nos por haya salbacion. Un posada tabata un cas habri pa tur hende. E refugio publico aki por wordo compara cu nos Iglesia di Cristo den varios manera. Un posada canto di caminda no ta e destinacion celestial, pero un yudansa necesario pa guia biaheronan na nan cas eterno.
Oracion: Hesucristo duna mi e gracia pa mi por permanece semper cerca Bo.Amen.
