E homber M. a presenta den Corte pa un caso penal cu Ministerio Publico tin contra dje.
SOLO DI PUEBLO por a compronde cu e homber M. a pidi Hues pa yudโe pasobra el a bolbe cay den adiccion. Tanto Hues como Fiscal a mustra nan disponibilidad.
Ta asina cu e abogado di M. no por a presenta. Hues a puntra M. kico e kier haci. M. a bisa Hues cu e kier un abogado pa su caso. Hues a dicidi cu ta pospone e caso.
ADICTO TA PIDI AYUDO
E homber M. cu su cara basta preocupa, a bisa Hues cu e kier ayudo door cu el a bolbe cay den adiccion. El a splica Hues cu despues di hopi aรฑa limpi, el a bolbe cay den droga y e kier rehabilita.
Por a mira e honestidad y humildad di M., ora e tabata splica Hues su situacion. M. a bisa Hues cu e sistema di bay na un fundacion parti mainta y merdia ta liber, no ta funciona pโe. E kier keda den un fundacion pa asina aleha di e droga. El a bisa Hues cu si e tin cu bay dos fundacion o sea un parti mainta y merdia y anochi na un otro fundacion, e lo haciโe.
Hues a scucha M. cu atencion y a bisa cu lo por check cu Reclasering.
FISCAL CLA PA ACTUA
Por a mira cu Fiscal tabata scucha M. cu atencion y tabata haci anotacionnan. Ora Hues a bisa Fiscal tocante Reclasering, Fiscal a splica cu lo ta mihor aserca fundacion Hunto pa actua di biaha. El a tuma e adress di M. y a bisa cu e lo bay yama fundacion Hunto pa nan actua di biaha.
Ta masha poco sa presenta situacionnan asina. Hopi biaha sa pasa cu acusado cu ta encarcela, ta pidi ayudo y ta bay cay bou guia di Reclasering. Den e caso di M., e no ta sera. El a bay te Corte pa su caso y na mes momento a pidi ayudo. Ta di aplaudi e disponibilidad di tanto Hues como Fiscal pa yuda un adicto cu a pidi ayudo.
