Fundacion Anti Droga Aruba (F.A.D.A.) a wordo funda 16 di oktober 1984, y tin como meta pa preveni uzo di droga y alcohol door di desaroya e habilidadnan necesario den e persona pa e por tuma decisionnan sano na bienestar di su mes salud y bienestar personal. F.A.D.A. ta brinda informacion di Salud Mental na comunidad pa por tin tools pa asina mantene esaki den un balansa of si por tin señal pa busca ayuda necesario inmediato. Banda di duna informacion den forma di charla y workshops F.A.D.A. tin diferente campaña durante aña.
E campaña di Siman di Cinta Cora ta ser efectua cada aña den luna di oktober. Pa ser exacto dia 23 di oktober pa 31 di oktober 2025. E aña aki e lema ta: “Be a hero live drug free”. F.A.D.A. ta organisando pa di 14 aña caba nos famoso “Siman Locura” pa nos comunidad cu lo tuma lugar fecha 26 te cu 30 di oktober 2026.
Siman di Locura tin como meta na un manera simpel y original demostra cu Bo tambe ta contra di e uzo y abuso di droga, alcohol y di traficacion di droga.
Con pa participa:
Forma bo grupo of individual. Bisti manera e schedule, saca potret y Subi nos website: www.fada.aw, bo ta click riba e poster di e lema; “Be a hero live drug free” y bo ta yena tur informacion y upload e image.
Nos kier pone enfasis pa ta mas creativo cu ta posibel. “Think out of the box”!
Pa mas informacion por tuma contacto cu F.A.D.A. na number di telefon 583-2999 of nos
whatsapp 564-9991. Por manda nos un email tambe na info@fada.aw.
