Diasabra marduga pa mainta altura di Winter Garden Supermarket a haya un homber benta banda di caminda.
Polis a wordo dirigi na e sitio y berdad ta constata un persona cu basta golpi na curpa y tawata sangrando pero a ripara cu e persona lo no tawata hala rosea mas y a manda pidi autoridadnan concerni.
Ta pidi ambulance cu urgencia asina mes debi cu e persona e momento ey lo no tawata hala rosea of su rosea kizas tawata cortico.
Mientrastanto a cuminsa cera e caretera principal altura di La Granja y tambe pariba di Winter Garden.
Dado momento lo a ripara cu e persona a medio cuminsa reacciona y aki ta unda cu Paramediconan a cuminsa traha cu ne y a prepare pa sali bay Hospitaal.
Na Hospitaal algun rato despues dokter/nan no por a haci nada mas y e persona ta fayece.
Tambe na warda di polis pariba a yega un Nissab March cu basta daño material. E chauffeur ta declara cu e lo a dal un persona, momento cu esaki a cana subi caminda, pero di susto e la sigui bay ariba pa yega warda di polis. E vehiculo a wordo confisca pa mas investigacion.
Cu esaki Aruba ta conoce su di 13 morto di trafico.
