No tene miedo. Loke semper Señor ta bisa nos. Y berdad. Pakico nos mester tin miedo, si nos tin un Dios cu ta stima nos. Y cu nunca E lo no bandona nos. Pero claro ta keda na nos, si nos ta cana cu e fe cu Dios a duna nos. Nos no por bisa cu nos ta stima Señor y cu nos ta entrega tur cos den Su man, anto momento cu nos ta den apuro, nos ta bay den panico, y lubida cu nos tin un Tata cu ta stima nos. Nos sa cu Dios ta bon, pues nunca E no ta bay laga nada malo pasa cu nos. Y p’esey tambe, E ta manda Spirito Santo pa nos, pa nos tin e balentia pa enfrenta tur cos. Simplemente anos tin cu kere. Cu alma y curason. Y tur ora. Tur dia. No solamente den dificultad.
Oracion: Señor mi Dios, sigui yuda mi pa mi por profundisa mi fe den Bo. Pa asina, semper mi por sigui cana ariba Bo caminda y sin miedo. Laga Spirito Santo sigui yena mi cu curashi pa mi por enfrenta tur obstaculo. Danki Señor. Amen.
